Mah zawn ruah le mi zawn ruah

Nihin kan cathiang rel mi hi (1 Siangpahrang 12:26-32, 13:33-34) cun (Mak 8:1-10) tiang asi i Cu kan rel mi chung in cun tlangter awk ah ka duhmi cu zei dah si tiah cun “mah zawn ruah le mi zawn ruah” timi hi asi. Mirang holh in cun (Reaction and respond) ti mi asi. Reaction ti mi cu mah zawn i ruahnak lawng asi. Respond ti mi cu mi zawn va ruah, mi caah va ruah, mah zawn ruah si loin khan mah kha အနစ်နာ khaan khan mizawn va ruah kha asi.

            Nihin kan rel mi a voikhat nak cathiang chungah Isreal hruai tu pakhat si mi Jeroboam nih hin amah zawn lawng ruah in khan Isreal mi an Pathian biak i an kal kha a duh lo ti asi. Isreal mi nih “Aw Jerusalem ah kan kal lai, kan Pathian rai kan thawi lai, kan bia lai” tiah an kal tikah khan a nih hruaitu pakhat si ko nain khan ai nuam lo. Jeroboam cu Isreal hruaitu pakhat a si ko nain khan Isreal minih an Pathian duhnak zeitin dah an tuah khawh lai, zeitin dah Pathian thawn an i ngeih khawh lai ti si lo in khan an Pathian biakmi thawn a hlat khawh chung hlat in khan anih nih ai zuam. Cucaah zeidah a tuah? Daarbur i cawzuk pahnih a tuah (Daar cawzuk) aser piak hna i, hihi nan bupa hna Izipt ram in Pharoah siangpahrang kutin a rak hruaitu nan Pathian asi tiah a ti hna i a biak ter hna. Jerusalem biakin pi Pathian biak kha a duh piak hna lo i siasal (cawzuk) Pathian ṭuh tu kha a biak ter hna. 

Dawtmi ule nau hna nihin Thawngṭha bia kan rel mi chungah zeidah kan hmuh. Kan Bawipa Jesuh Khrih nih nithum thiang rawl ei lo tiding lo bak in khan “Aww Bawipa chimmi a ṭha tuk ee, a tuah mi ṭha tuk ee” ti in khan lungtho thanuam tein khan rawl ei hngal lo tidin hngal lo in khan a mah lawngte kha an rak zulh. Kha tikah “Aww himi hna hi keimah an ka zulh i Thawngṭha bia an ngai i rawl zong an ei kho ti lo, zeitluk in dah an rawl tam lai. An rawl tambu in le a tihal bu in tlunter si ah cun a si kho lai lo an ril an bah lai” tiah a ti. Kazaang an fak tuk e tiah a ti. Zaangfah nak lungthin in a Thawngṭha bia ngaitu vialte kha a zangfah hna. Mah rawl ei tidin hmah ruat lo in biathiang a mah cawn piak nak a ngai mi kha a zangfah hna. Asiah cun cu lio ah Bawipa Jesuh bia chimmi a ngai huam lomi an um ve lai. A thil tuah mi zeihmanh a rel lo mi an um ve lai. Cu hna cu tah a zaangfah hna hnga maw ti tikah a zaangfah hna lai tiah ka ruat lo. Amah Thawngṭha bia a duh tu, a ngai tu, dinnak a duhtu a kawl mi kha a zaangfah hna. Cu a zaangfah hna timi kha (Respond) timi mizawn ruahnak timi kha asi. Hmusa ah Jeroboam nih Isreal mi an Pathian biakding ah an va kal mi kha duh lo in siasal tukha a biakter hna timi kha mah zawn ruahnak kha asi. Reaction sawh sawh asi. Nihin ah kan Bawipa Jesuh Khrih nih “Aww mah hna hi rawl ei tiding lo in khan ka bia an ngai i hi tin tlunter ah cun, an ril lai an bah lai, ka zang an fak ee” a ti. (Respond) Mizawn ruahnak. Cun lamkal tu hna nih zei an ti, “Atu zanlei si cang, ramlak zong si fawn, zei tindah minung hi vialte cu honih dah a dangh khawh lai. Minung hi vialte khimding in honih dah rawl pek khawh lai.” Kha kha Jeroboam bantuk in khan mahzawn ruahnak kha asi. Mah tlinlo nak lawnglawng kha ruah in ‘Ka tuah kho lai lo, မလုပ်နိုင်ဘူး, မတက်နိုင်ဘူး’ ti pawl khah ‘မတက်နိုင်ဘူး, မလုပ်ပေးနိုင်ဘူး’ timi kha (Reaction) mahzawn ruahnak kha asi. Khakha lamkaltu hna i Bawipa Jesuh cungah tlamtling in an rak zumh rih lo caah si zong va si ko lai. 

Sihmanhsehlaw, nang le kei zong nitin te Khrihfa kan si kan ti ko nain khan mizaangfah nak lungthin ngei loin, miham duhnak ngei lo in ‘မတက်နိုင်ဘူး, ဘယ်တက်နိုင်မလဲ’ ti in khan kan kal tak sawh sawh ah cun kha bantuk kha mahzawn ruatmi ah khan kan cang lai. Kha tikah Bawipa Jesuh nih zeituah piak ṭhan hna? Asiah cun zeital um maw, zeital nan ngei maw tiah a ti tikah khan hnu ah zei a ti. Changreu 7 ngei mi an um, nga tlawm pal te ngai mi an um i “Si ah cun rak pu hnik uh” tiah a ti i Pathian sinah lawmhnak bia a chim tikah khan a rawngkarh. Cun nga tlawmpal te zongkha Pa Pathian sinah aa a ti i thla a cam tikah khan a karh i minung thong 4 kha changreu 7 le nga tlawmpal te khan a dangh hna. Kha kha (Respond) mizawn ruahnak timi kha asi. Bawipa Jesuh Khrih nih mibupi kha a zaangfah hna bantuk in khan, zaangfah an si ko ee ti mi ‘သနားပါတယ်’ timi lawng kha si lo in khan တကယ်လက်တွေ့ လုပ်ဆောင်မှု ti mi kha a vawn tuah tikah khan minung hohmanh nih tuah khawh lo mi minung thong 4 bak, nga tlawmte le changreu hlum 7 in khan a dangh khawh hna. Kha kha Pathian thinlng cu asi. Cucaah hi Thawngṭha bia chungah kan Bawipa Jesuh Khrih nih nithum chung rawl ei lo tiding lo in khan Thawngṭha bia a ngai tu vialte hna kha a zaangfah hna. Hitin a thlah hna ah cun lampi ah an ril lai ti i changreu hlum 7 in rawl a dangh hna. Kha kha (Respond) mizawn ruahnak. Lamkal tu hna zongnih anmah tlinhlo nak lawng kha i ruah in minung hi vialte honih dah a dangh kawh lai, ‘ဘယ်တက်နိုင်မလဲ, ဘယ်သူက တက်နိုင်မှာလဲ’ mahzawn ruatnak. Jeroboam bantuk in khan mipi Pathian he i ngeih ter si lo in khan mah zawn ruat in siasal Pathian ser mi kan si sual maw ti kha i ruat u sih. Lamkaltu hna bantuk in kan tlamtlinh lo nak lawngkha ruah in midang caah zawng a ruah kho lo mi ‘ဘယ်တက်နိုင်မလဲ’ a ti tu kan sual maw. Bawipa Jesuh bantuk in khan mah zawn ruat lo in midang a harsa mi, rawltam mi, tidal mi, a chambau mi, mizawng a ruat mi kan si ve maw. Kan si ve lo si ah cun nihin cathiang nih mah zawn ruat hnak in khan mizawn ruat nak a ngei tu si awk ah kan nunnak kha i ṭhlen awk ah kan cathiang nih a kan sawm.

Pakhat pakhat cio kan cungah ThiangThlarau khan lam kan hruai sehlaw amah duhnak bantuk tein khan kan nun ter ko seh.