Spain ram Dadrid khua ah tuahmi tlangbawi (siangbawi) hna tonpumnak puai ah,tlangbawi (siangbawi) hna caah tukfornak le lungvaivuannak apetuk vawlei thiri hna nih hnahawhnak i pekterlo ding ah tlangbawi hna kha ralrinnak a pek hna. Thlacam nun ngeih awk le Khrih he i pehtlaih zungzalnak nih minung lungthin duhnak tlam a tlintertu cu Bawipa asi ti kha mi nih an hngalh khawhnak caah bawmtu asi tiah Pope nih a ti. Tu lio kan chan ah Bupi nih a herhmi tlangbawi (siangbawi) cu, Avila khua in Mithiang John nih a zultu a nau le sin ah a rak chimmi (nunnak dihlak thiang tein in Khrih caaah) ti mi hi asi tiah a chim chap.
Spain khualipi Madrid ah February 9-10 ah tuahmi tlangbawi hna ton pumhnak ah Madrid Archdiocese tlangbawi hna sinah ca a kuat. 2026 January 28 ni ah min a thutmi cakuat ah, Bible Thiamsang Mithiang Thomas Aquinas puaini ah, tlangbawi pawl nih an tonmi harnak hna kha Pope nih a langhter. Vawilei tukfornak le harnak lak ah tlangbawi hna caah thianhlimnak a biapit ning le Bawipa he umṭinak thawng in mi nih minung lungthin a herhbikmi le a kawlbik mi cu Bawipa dawtnak asi kha hngalhter awk ah tlangbawi hna kha a chimh hna.
Harnak le thil a cangte kho dingmi hna kha lungtak tein ruah awkah auh kan si i tlangbawi hna kha daitein, dingfel tein caan lak in zumhnak thawng in kan hmuhmi ceunak tang ah khuaruah caan pek a herhnak kong, thil pakhatkhat cung ah hnawsahru in lungzuan lo awk ah le lakhruak thil pakhatkhat caah tawlrel rianṭuannak lawng ah lung zuan ding asi lo tiah Pope nih ralrinnak a pek hna. Kan hmai ah Bawipa nih a kan chiah piakmi zuamcawhnak le a cang kho te dingmi thil hna kha hngalhthiam le hmuhthiam a herh tiah a ti. Tlangbawi (siangbawi) hna nunnak lamtluan ah, kan mit le kan zoh duhmi thil hna kha thleidan khawh a hau i kanmah le kanmah ralrinnak he i cawnpiak kan herh chin lengmang cang i, Pathian nih zeidah tuah cang ti zong fiang deuh in hngalh khawh le dai te le fimkhur tein nun le khuasak a herh a ti. Zumhnak nunnak ah vawlei nih a kalpi mi le zatlang nunphung hna hi zeirel lo in um khawh asi lo.
