St. Scholastica, Virgin (480-547)

February 10

St. Benedict nau nu St. Scholastica cu Italy ram, Nasia khua ah AD 480 kum ah a chuak. A u Benedict cu Monter Casino lei a kal lio ahkhan amah cu Palonbarona khua pawngah Sister bu hna kha a rak uk hna. A u Benedict Zateik Sianginn pawng i inn fate ah kumkhat voikhat a va leng tawn. Nikhat zanriah a ei hnu ah St. Scholastica cu a u he chikkhat bia i ruah dingin a sawm nain a nu Benedict nih a rak duh lo. Cucaah a kut pahnih komh in Pathian sinah thlacam in bawmhnak a hal tikah thlichia fak ngaiin a rak hran caah St. Benedict le a hawile hna cu Zateik Sianginn ah an kir kho ti lo. St. Benedict nih “Ka naunu, zeidah na tuah? Pathian nih in ngaithiam ko seh” tiah a ti tikah a nau nu nih “Ka u pa, kan nawlnak na al caah Pathian sinah bawmh ka hal a ti. Pathian nih ka nau nu na halmi thil kha an pek” tiah St. Benedict nihcun a leh. St. Benedict cu a nau nu St. Scholastica he zan khuadei in “Zungzal nunnuamhnak le a sunglawimi thil hna kong” kha an i ruah. A thaizing khuadei hnu lawngah Zateik Sianginn ah a ṭin. Nithum a rauh tikah St. Scholastica cu a thi. Cu lioah St. Benedict cu a khaan chungah thla a cam lio a si i a mit a au tik ahcun a nau nu thlarau cu ṭhuvo bang van ah a zuan kha a hmuh. Pathian sinah lawmhnak bia a chim hnu ah a nau nu ruak kha Zateik cheukhat a laakter hna i Zateik Sianginn ah a chiahter hna. AD 547 kum ah St. Scholastica cu a rak thi i a rauh hlan ah St. Benedict zong a rak thi ve.