Pope Leo XIV: Daihnak cu hriamnam in si loin upatnak in aa thawk
Feb. 8 ni ah Pope nih “buainak le i tlukruan lo nak nih hlennak a chuahter” tiah Vawlei pumpi Thlacam ti nak le Minung Zuarnak dohnak langhternak ah ralrinnak bia a chim.
Bupi a voi (12) Vawlei pumpi huap in thlacam ttinak le minung zuarnak dohnak caah thlacamnak a tuah lio caan ah, Pope Leo XIV nih “minung upatnak fakpi in a hliamtu” le “daihnak hrawktu sualnak ngol hna dingin” tiin “urgent call” timi tlangtar a thar in a tuah.
Kum fatin thlacamnak ni cu Feb. St. Josephine Bakhita puai ah tuah a si.
Mah puai ca i a chimmi bia ah, “Remdaihnak cu i Upat nak in aa thawk: Minung zuarnak donghternak caah vawleicung pumpi caah theihter-auhnak” timi tlangtar in a langhter i “Daihnak cu nan sinah um ko seh” timi Bawipa biakam bia in Pope nih a bia hram a domh.
“Hi bia hna hi chiatserh-biakamnak lawng si loin minung sinak thar lei ah lam a kan hmuhsaktu a si,” tiah pope nih a tial. “Daihnak taktak cu mi pakhat cio Pathian pekmi upatnak hngalhthiamnak le kilvennak in aa thawk” tiah a ti.
Tuchan buainak nih daihnak hi a hrawh tawn tiah ralrin pek nak zong a langhter: “buainak dirhmun ah, minung nunnak sunghnak cu ral a thawhtertu hna nih ramkhel asiloah sipuazi duhnak kawlnak ah an hman tawn” tiah a ti.
Pope chimning ahcun, “Ramkhel lei ah daihnak a um lonak le hriamnam in i dohnak hmun hna ah, minung zuarnak, a bik in nu le ngakchia hna nih an ton i ruahnak ttha lo nih a tlunh bik hna” tiah a tial chih.
Pope nih cun “cyber sal sinak-cyber salavery” tiah a timi telh in hlennak phun thar deuh zong a langhter. Cu ahcun fahnak a ingmi hna nih online in mi hlennak, asiloah ritnak sii zuarnak tibantuk sualnak tuah ding le sualnak a tuahtu dirhmun ah a phakter hna.
Hi thil sining hna ton an si tikah, thlacamnak – Pathian he biachim- chawnhnak lawng in tei khawh a si. Zeicah tiah harnak thilchia lak ah meiinn bangin lam a kan hmuh sak tu le a kan kilvengtu cu, thlacamnak, Pathian he pehtlaih nak lawng a si. Zeicah tiah sualnak doh le tukforhnak in khawhnak thazang a kan petu a si caah a si tiah a ti.
Pope nih Mithiang Josephine Bakhita thlacam piaknak hal in, Catholic pawl zong ral a um lo nak hnga ca lawngah siloin, rak tuknak a tam deuhnak hmun paoh ah daihnak caah riantuan cio dingin forhfialnak zong a tuah. Cucu “hriamnam ngei lo mi le hriamnam a thlahtu hna “pakhat le pakhat kar ah i upatnak hram aa bunhmi a si” a langhter chap.