Na ngakchia hna cu midang dawttiam awkle minih an dawtnak kha cohlan thiamnak cawmpiak an herh.

(4) Fale hna caah timhcia in um zungzal.

Zeitluk in rian i tuai hmanhseh, ttuanawk ttuanvohna tam hmanhseh, na fale hna nih nangmah cu an caah tuahpiak ding in timh cia asinak kha hngalhter tuah. Na fale hna na dawt taktaknak kha annih thei hna seh. Cu leng ah annih cu duhnungmi an sinak kha ngakchia hna nih an theih aherh. 

(5) Na ngakchia hna cu midang dawtthiam awkle minih an dawtnak kha cohlan thiamnak cawnpiak an herh.

Zawnruah zaangfahnak angeimi mirhnak hna, le biafang hna, umtu ningcang ziaza hna, zaangfah zawnruahnak thinlung hna cu innchungkhar nunnak thinlunglei damnak apek khawh.

Nu le Pa hna nih ngakchia hna sin dawtnak hmuhsaknak cu pangpar kungtete kha natlang ahmuhter bantukin, ti a duh mi thingkungtete hna kha ti toih piak bantuin a nunter i a hninghnoter. Cuve bang in Nu le pa hna cu mah fale hna kha midang dawtthiamnak nan cawnpiak hna lai.

(Doctor William c. Mennineger) nih;

“Fale hna kha zeitindah dawkawk asi ti cawnpiaknak cu nule pa hna nih cun attha bik tuah khawh mi thil asi tiah ka ruah” tiah arak ti. Mizapi caah pumpek khawh mi dawtnak phun ngaih dingah nule pa nih mah nunning ziaza in cawnpiak an herh. Pumpek duhnak ngeih lo in dawtnak taktak a um kho lo.

Mah tthathnemnak lawng a ruatmi abi mi keimah tinak ramri kha lonh i mah innpa na caah pumpek kho mi dawtnak phun kha mah pumpak nih cawn i mah fale hna kha cawnpiak aherh. Cuti asi lawng ah innchungkhar nunning nak in akau deuh mi zatlang nunphung ramri chung hlatin luh khawh in minung cu tthathnemnak kan phorh piak khawh lai. Mizapi caah pekchanh duhnak, pumpek ngamhnak angei mi mansung fapa ttha hna kan ngeih khawh hna lai.

Fale hna kha chantiluan fimnak pakhatte lawng ro peknak in ttuan vo a tlam atling lo. Thinlung ziaza tthatnak, abikin dawtnak pahrang rothil in pek lawngah minung caah tthathnemnak ape khomi mithiam mittha an si khawh te ding asi.

Chan tiluan fimnak a ngei ko nain dawtnak pahrang, nunning ziaza tthatnak he pehtlaimi pahrang angeih lo ahcun, cu pa cu hi vawlei caah ttih nung ral asi kho deuh.

Baibal chungah Farasi mi hna cu mifim an si. Biabal athiamtuk mi an si. Asinain dawtnak taktak an ngeih lo caah a Baibal thiamnak he sersat ngaiin aruahdamh mi hna an si. Chan ti luan fimnak nih minung lung thin kha athleng kho lo, nunning ziaza le dawtnak lawngin athlen khawh.

Hmunthar akawlmi pa pakhat cu minung sa a eimi ahrangmi phu khat he ram lak tupi chungah an i tong sual. Cu hruhrang mi phu hna cu an tthut in minung sa eidingah an i timh lio asi. A hrangmi phu hruaitu kha ahmuh tikah American University pakhat ah fimnak arak cawnlio i an rak i theih mi pakhat asi kha a hngalh. Hmunthar a kawlmiUniversity hna nih fimnak an pek hna i, zeicah minung sa hi na ei peng rih” tiah a hal tikah …. asi…. Keimah minung sa ka ei peng rih ko. Asinain atuah hin fimtein ka eithiam cang hih!… duhnungmi darkeu le sasawh nak darkeu he… tiah a leh.