St. John Bosco, Priest (1815-1888)
Audio (aw) zong in ngai khawh a si.👇👇
Salesian bu a dirhtu St. John Bosco cu 1815 kum, Italy ram, Turin khua pawng i mi sifak chungkhar in a chuakmi a si. Kum (9) a si lioah, ngakchia tete phukhat hna cu a puarhrang ngaimi saram ah an i cang i, a hnu bik ah a nunnem mi Tuufa tete ah an i cangá¹han’ tiah mang a manh. Nu Mary nih Bosco lu cungah a kut a chuan hnu ah kha saram hna an siningcang kha a rak hmuh cang hna bantukin a khuachung ngakchia hna kha khawmh hram a rak thawk hna i Pathian bia cawnpiaknak, Biakinn ah pumh pi nak hna kha a tuahpi hna. Cu ngakchia hna cu baar lek thiamnak, mitleh piaknak hna atu le atu a tuahpi nak hna ruangah an uar ngaingai.
Kum (16) a si ah, Chery khua Siangbawi cannak Sianginn ah a rak lut. Rector Siangbawi nih John Bosco hi Pathian auhnak a si ti a hngalhnak cu a phungchimmi vialte kha pakhat hmanh bau loin John Bosco nih a chimá¹han khawh dih caah a si. 1841 kum ah Siangbawi cannak a laak hnu ah Turin khua ah um dingin rian an pek. Cu khua ah thongtla hna, mino hna le lamcung vakvai ngakchia hna caah a thazaang chuah in a rak á¹uan. Ngakchia hna nih Khrihfa nunzia le á¹uanvo i cawn khawhnak dingah ‘St. Francis de Sales Sianginn’ an rak hon. Amah cu Mithiang pa i a nunnemnak kha a uar i a Sianginn on khawhnak caah mirum nu pakhat nih a hlut mi innkhaan sawhsawh tiangin St. Francis hmanthlak kha a hmuhá¹han hoi tikah a nawl aa cawná¹han. Tha baa kho lo tiangin a á¹uanmi a rian ah a nu Margaret nih thazaang a pek zungzal.
A dingfel mi ramchung fa hna le a á¹hami Khrihfa an sinak hnga aa zuamnak caah John Bosco kha kedan á¹hitnak, thilá¹hitnak le cauk namnak hna caah rianá¹uannak zung (workshop) a rak tuahpiak. Mipi pehtlaihnak lei lamsul hna a biapit zia kha a hngalh caah cauk le Mekazin hna kha zaná¹im tiangin a rak á¹ial. A motto cu ‘Thlarau hna kha ka pe law, a taangmi vialte kha i kalpi’ ti a si.
1859 kum ah Salesian bu kha a dirh. 1872 kum ah St. Mary Mazareno he hmunkhat in ‘Khrihfa hna bawmtu Nu Mary fanu hna bu’ kha a será¹han. Bu pahnih kha bawmh khawh dingin John Bosco cu a inn bak ah Salesian Thlarau lei a zul i a keng kho tu ‘Salesian ah i tel in á¹uannak’ kha a rak ser. 1888 kum ah John Bosco cu a rak thi i 1934 kum ah Mithiang sinak an pek.