St. Thomas Aquinas, Priest & Doctor
(1225-1274)
Audio (aw) zong in ngai khawh a si. 👇👇
St. Thomas cu chan pakhat ah a rak laar ngaimi Theology fimthiam hna chungah pakhat a si ve. 1225 kum ah Nepal khua pawng i a ummi Aqui khua mi bawiphun chungin a rak chuak. Monter Casino i Benidict Zateik Sianginn ah hmasabik ca a cawn hnu ah Nepal University ah a dot sang deuh mi fimnak a rak cawng. Cu khua i phungchimbu kha a tlaihchan i kum (19) a si ah St. Dominic Zateik bu Angkifual an pek. A rummi St. Dominic Zateik phu ah luhter a duh mi a nu le a pa cu an thin a hung i Siangpahrang inn ah thongtla bangin hramhram in an rak auhá¹han. Amah i kawh-auhnak thazaang zor thluahmah dingin a ule nih a khaan hmete chungah nungak pakhat kha an khumhpiak. Asinain Thomas nihcun meifar aa laak i mah nungak nu kha leng ah a á¹hawl. Kumhnih a rauh tikah thong an thlak hnu ah a chungkhar nih a bu chungah kalá¹hannak nawl an pek.
1245 kum ah St. Thomas cu Paris khua ah St. Elbertian sinah fimnak cawn dingin an rak thlah. Dai tein a um thiamnak le rumra a ngei ngaimi a pumrua hna ruangah a hawile nih ‘Cawhruk’ tiah a min an thlenpiak. St. Elbert nih Thomas hawile hna kha sual a phawt hna, ‘Nannih nih Thomas cu cawhrut nan ti, asinain amah aw cu vawlei cung lamhlapi hmun tiang nih an rak theih te lai’ tiah a ti hna. Degree a hmuh hnu ah St. Thomas cu ramkip hmunkip ah fimthiamnak le thlacamnak hna le toidornak hna kha tehte he a chim i a cawnpiak hna. Keimah cu cauk tampi rel i cawnnak nakin Vailamtung hram ah tamdeuh in ka rak cawn tiah a rak chim tawn. 1266 kum ah Summa Theology cauk kha á¹ial hram a rak thawk. A rak á¹ialmi cauk hna lakah Theology he pehtlai mi cauk nih ‘Thomas, nangmah cu ka konglam kha á¹ha ngaiin na á¹ial. Zeibantuk minung si dah na duh?’ tiah a hal tikah, Thomas nih ‘Nangmah hlei in a dang zeihmanh ka duh lo’ tiah a rak leh.
Thomas Aquinas cu nikhat chung kha thlacamnak deuh lawngin caan a hman i a chel ahcun thlacamnak chungah a molh á¹heo. 1271 kum, St. Nicholas puai ni i Missa a tuah lioah Vancung in biathlam pakhat a hmuh. Cu ni thawk cun zei cauk hmanh á¹ial ti loin a hawile kha, ‘Ka rian a dih deng cang. Pathian nih biathlam a ka hmuhter hnu ahcun ka rak á¹ialmi cauk vialte cu facangzi bantukin ka ruat cang hna’ tiah a chimh hna. 1274 kum, Louis khua a kalnak lam ah fakpi in a zaw i, Sathauthiang thuhnak Sacrament an pek. Bawipa thisa a hlaannak ah ‘Na salpa thlarau kha a ngeitu ka Pa, Na sal ka si ko. Ka cawnnak vialte, kaa hliphlaunak le ka rian hna cu nangmah kan dawtnak thawngin a chuakmi lawngte an si’ tiah a aupi. Nihnih a luan hnu ah kum (49) lawng a si rih mi Thomas cu a rak thi. 1323 kum ah Mithiang sinak an pek i, 1880 kum ah Sianginn hna zohkhenhtu Mithiang a si tiah an thanh.