Ss. Timothy le Titus, Bishops Kumzabu 1
Audio (aw) zong in ngai khawh a si. 👇👇
Mithiang Paul i mission rianá¹uan hawi pakhat a simi St. Timothy cu Lekaonia i Lisatra khua ah Catholic a si lomi a pa le Judah miphun a simi a nu nih an rak hrin mi a si. Tlangval no a si lio tein Bible ca a rak cawng i St. Paul nih tipilnak le cuarpar tannak kha a rak pek. Paul sin in nunnemnak le unau bantuk i dawtnak he a khat mi Macedonia le Rome in an rak á¹ial mi ca pahnih kha a rak hmuh. Timothy aa zuamnak hna nih a ngandamnak a hnorsuan kho kha St. Paul nih a theih caah ti lawng ding loin zu tlawmpal din chih dingin a chimh. A hnu bik ahcun Efesa khua ah Bishop rian khinh a si i, cu khua ahcun a thih tiang a um. AD (97) kum, Siangpahrang Napha uk lioah milem a biami zum sualtu hna i an zumhnak kha St. Timothy nihcun a ralchanh hna caah lunglo, tanbo hna in an tuk an den i an thah.
St. Paul i a Lalang a simi St. Titus cu Paul nih Khirhfa ah a lutter mi a si. St. Paul nih a dawt bik mi a hnuzul pakhat a si i Paul he hmunkhat in mission rian tampi ah a rak i tel lawng si loin AD (49) kum ah Jerusalem i an rak tuah mi Moses phunglam he pehtlai mi biahalnak hna cung i bi ai alnak meeting pi ah a rak i tel ve. Catholic a si lomi chungkhar in a chuak i Judah phung he aa pehtlaih lo caah Titus cu Paul nih a cuarpar tan dingin a onh lo. Paul nih Khiri khua Bishop sinak a pek lengah a sinah Bishop hna caah zulh awk upadi aa tel mi ca pakhat kha Titus sinah a rak á¹ial chih. Titus cu cu khua ahcun AD (96) ah a rak thi tiah Bupi i hlan lio tehte ningin kan theih.