Khrihfabu lungrualnak thlacamnak ah Pope nih a chimmi
Khrihfabu vialte Lungrualnak caah Thlacamnak Zarh a donghnak chinchiahnak ah Mithiang Paul lungthlennak puai ah, Pope Leo nih Khrihfa hna cu Thawngṭha karhter awk rian kan ngei dih cio tiah a chim. Khrihfa hna cu bu a phunphun kan um ko nain zumhnak pakhat kan ngei i vawleicung pumpaluk ah Thawngṭha karhternak rianṭuannak kha lungrual tein hmunkhatte ah tuanṭi ding in a sawm hna.
January 25, Zarhpi ni ah Khrihfa Lungrualnak caah Thlacamnak Zarh donghnak ah, Pope nih, “Kannih cu pakhat kan kha Hngalthiam cang hna u si law, i tong hna u sih,” Khrihfabu hna lungrual tein Christian Unity) thlacamnak Zarh donghnak chinchiahnak ah Mithiang Paul lungthlennak Puai i zanlei sang thlacamṭinak ah a chim. Kan karlak i ṭhennak nih Khrih ceunak kha a kham lo nain, vawlei nih Khrih hmai hmuhnak a zorter deuh.
Khrihfa lungrualnak caah thlacamnak zarh cu kum fatin January 18 in 25 tiang an tuah tawn.
Khrihfabu kip in aiawhtu zeimawzat an i tel i cu hna ahcun Constantinople Ecumenical Patriarchate aiawhtu Metropolitan Polykarpos, Armenian Apostolic bu in Archbishop Khajag Barsamian le Anglican Communion in Bishop Anthony Ball hna an i tel. Cun, Khrihfa lungrualnak ṭhanchoternak caah Dicastery i Prefect a simi Cardinal Kurt Koch le a dang Khrihfabu hna zong an i tel. Mithiang Paul cu Khrihfa vialte nih Pathian rianṭuannak ah zohchunh awk Mithiang asi tiah a chim. Tukum Thlacamnak Zarh caah tlangtar ah thimmi, “’pakhat’ timi biafang kha kan theih lengmang: Lungthin, taksa, thlarau ah pakhat sinak, Bawipa pakhat, zumhnak pakhat, tipil innak pakhat, Pathian pakhat kan si tiah Pope nih a phungchimnak ah a chimchap. Dawtmi u le nau hna, kan zumhmi Pathian, Bawipa Jesuh le Thiang Thlarau cu aa khat dih ko nain, hi cathiang bia hna nih hin zeiruang ah dah kan lung a kan suk hnga lo? Kan theih tikah zeicahdah kan lungthin cu kan chung ah mei alh bang alh lo in a um khawh hnga?” tiah bia halnak a tuah.
Khrihfabu hremtu sinak in Jesuh kha a daw i a Thawngṭha chim ah a lungthin kha mei alh in a alhmi le teimaknak he a chimtu” ah aa thlengmi Mithiang Paul kong kha tahchunhnak ah a langhter. Cu zanlei thlacamnak ah aa telmi hna cu Lamkaltu thlan hmai ah an i pum i Pope Leo nih a rianṭuami Khrih kha mi vialte sin ah phuan asinak hnga le mi nih an zumhnak kha Khrih cung ah an chiahnak hnga asi tiah a langhter. Cu rian cu Khrihfa vialte rian he aa khat tiah a ti.Pope nih cun Second Vatican Council II i cauk asi mi Vawlei Ceunak (Lumen Gentium) zong a langhter. Cu ah cun Khrihfabu nih “sermi thil vialte sinah Thawngṭha chim a duhnak lungthin a langhter” i cucaah “Khrihfabu hmai ah a ceumi Khrih ceunak kha minung vialte sinah a chuahpi.” “Khrihfa vialte nih kan i hrawmmi rian cu toidornak le lawmhnak he vawlei sinah hitin chim ding a si: ‘Khrih kha zoh u! Amah sinah ra u! A fimnak le a hnemhnak a bia kha cohlang u!’,” tiah Pope nih a chim.
