Innchungkhar
(d) Dawtnak thiltikhawhnak
Zuksuai Saya Minthang (Quintin Matsys) cu a ngakchiat (a no lio) ah soser Saya pakhat arak si. Amah cu Culio ah Zuksuai (pachi) Saya pakhat fanu kha ark uar i mahnu nih dawtnak zong arak hmuh. Asinain adawtmi nu i a Pa zuksuai Sayaci nih,
“Kafapa Zuksuai Saya na sitikah ka fanu kan pek lai, Sihmanhsehlaw soser lawng hi na si ahcun nathih hlan lo kafanu kan pelailo,” tiah arak ti.
Quintin cu cu bia ruangah a lungder hrimhrim lo. Sobul tlaihnak kutin brush tlaihnak kut ah thlen ding aa harh lo. A dawtmi cokhawhnak caah a thiamnak dihlak chuahin arak i zuam. “Keimah, zuksuai thiam (pachi Saya) pakhat ka si lai” tiah a aupi buin brush tlaih ding bia a chah. Quintin nih cun zuksuai thiamnak ahram arak ngeih lo kha atheih ko buin adawtmi nu kha amitthlam ah a cuanter i a dawt mi nu zuk kha dan he ahran a suaihnik. A thinlung ah a sehchih mi adawtmi nu muisam kha va lawh hlan lo voi tampi arak suai i afiangmi hmanthlak cu arak suai khawh. Cu zuk cu aa put i a dawt mi nu a pa kha a va hmuhsak. Nu nu a pa nih tha tein a zoh hnu ah cu zuksuai kutzung kha atlaihchan i afa nu he arak fonhter hna.
Dawtnak cu khuaruahnar thil kha a tuah khawh timi cu zuksuai Sayaci Quintin nihnak nih tehte arak khaan. Dawtnak i thil ti khawhnak thawngin Quintin cu zuksuai arak i teinak dotkhat hnu dotkhat a hmuh hnu ah caan khat ah cun minthangteinak hmutu zuksuai Sayaci arak si.
Vale hna cu nupi le hna kha an dawt taktak ahcun zuksuai Sayaci Quintin bantukin an dawtmi nih an hmaihngal khawh mi vale an si kho lai. Duh dawtnak cu teinak tampi a chuahter kho ti cu a hmanmi asi.
5 (f) Nu le Pa nih fale cungah chiah dingmi Lungthin
Catialthiam Saya (Victor Parachin) nih Kum 2007 February thla chuah mi (Signs of the time) Makazin ah fale cungah chiah ding mi Konglam hna kha atanglei bangin a langhter.
(1) Na fale he naihniam te in um tuah
Innchungkhar kong kha pakhatnak ah papekin na chiah lai. Inn Chungkhar nunnak kha pakhatnak (No.1) ah na chiah lai. Na fale kha abiapi papek in na chiahnak thawngin a caankip ah asangbik mansung hna kha na hmuh khawh lai. Nu le Pa hna naihniamte dawtnak a tinco mi fale hna nunning cu a zafang lungthlinnak a um deuh an ti.
2004 Kum, Thailandram (Assumption University) Catholic University ah Paraku degree a kai (a cawng) lio mi aa dawh ngaimi minote American Syamah nu pakhat cu University innpi dot (13) nak in a zuang i a rak thi. Aa dawh ngaimi, fimthiammi, hmaileichan nunnak tha a ngeimi hi Sayamah nute cu zeiruang ah dah hi bantukin amah le amah a nunnak aa lak hnga tiah mitampi nih theih an rak duh ngaingai. An khuaruah arak har dih. Mahnu athih hnu ah mahnu kong kha an hlathlai tikah a nu le a pa cu an i then nak kong, a nu le a pa nih a ngakchiatlio tein zawnruah dawtnak langhternak lo in an hlawt bantuk a intuarnak kong, nu le pa dawtnak a haalmi asinak kong le nu le pa he ahlaatnak miramdang ah nu le pa thazaang peknak hmuh loin mahlawng ummi nunnak in thinlungder zawtnak a ngei i ahnu bik ah cun amah le mah aa zohkhenh kho tilo in mah le mah aa thatnak asi, tiah an theih.
Nu le pa dawtnak naihniamte a hmulo mi fale hna nunnak ah lungdonghnak, thazaangdernak, nunnak sullam ngeihlonak hna an intuarh tawn. Cu ngakchia hna nunnak cu zaangfah awk ngaingai an si.