17- January Saturday
Mark 2:13-17
Levi auhnak
Dawtmi ulenau hna, Mi tampi nih duhlomi le dawt awk a tlak lomi ah an ruahmi; cu hna cu: kebei, mitcaw, thinghmui hna; inn ngeilo hna, cu hna cu: nuhmei le ngaktah hna; mipi hngalh misual hna, cu bantuk: khuachung i hlawhhlang nu hna le ngunkhuai khawltu hna cu Jesuh sinah hnuh an si. Nihin thawngṭha ah Jesuh nih ngunkhuai khawltu le mi nih an nihsawh ngaimi Mathai kha a zultu pakhat si dingin a auh. Mi nih an nihsawh hna, zeicahtiah annih cu Rom cozah, Judah ral he aa bawmmi an si i, Rom upadi nih a halmi nakin ngunkhuai laknak in an hlawknak an hmuh. Cucaah, orthodox Judah mi hna nih anmah he chawlehnak tuah an duh lo; an sinin zeihmanh pek le lak an duh lo; nupi/pasal in ngeih lo ding le anmah he nuamhsaihnak phunkhat hmanh hrial ding an ti.
Jesuh nih nihin thawngṭha ah Matthai sinah: “Ka zul” tiah a ti. Hi hna hi Khrih nih kanmah bantuk a zultu vialte a auhnak ah a hmanmi biafang an si. Hramthawknak aa khatmi zultu pahnih an umlo. An dihlak in hnulei sining aa dangmi an si, cun an dihlak in ziaza le thiamnak aa dangmi an ngei. Khrih nih a zultu hna cu misual hna chungin, misual lak i a har bikmi hna hmanh in a auh hna. Zohhmanh law Mithiang Matthai, amah cu ngunkhuai khawltu a si i misual lakah ningzak awk bikmi a si ko nain Khrih nih a thim i a sualnak leng tiang a zoh. A thiang deuhmi pakhatkhat kha a thim khawh ko nain Matthai kha a thim. A lungthin kha a rel i biatak hngalh le nunpi a duhmi lungthin ṭha a hmuh. Cun Khrih nih a kan auh i kan lehrulh awk a si. Hi kawhnak hi nihin ah mipi nih kawhnak tiah theih a si. Auhnak cu Pathian nih vawleicung rianṭuannak thawngin amah i rianṭuan dingin a kawh hna i a timhtuah hna timi hmuhning a si.
Vocation cu Latin biafang vocare in a rami a si i a sullam cu ‘auh’ tinak a si i hi kawhnak nih hin Pathian nih a kan kawhmi rian kha a chim duhmi a si.
Rian phunphun ah a kan auhtu aw phunphun an um i buainak cu zeitindah hi aw hna lakah hin zei aw dah Pathian aw a si ti kha; Society asiloah Superego asiloah Mah i duhmi aw si loin; zeitindah kan hngalh khawh lai timi hi a si.
Frederick Buechner nih a cauk, Wishful Thinking A Theological ABC ah a chimmi cu Pathian nih a kan auhmi aw hmuhnak ding caah phunglam ṭha pakhat cu hihi a si a ti.
- Pathian nih tuah dingin an auh tawnmi rian phun cu: A) nangmah nih na tuah a herh bikmi le B) vawlei nih a tuah a herh bikmi rian phun kha a si.
- Na rian in na lung a tling taktak ahcun, a herhmi A na tlinh cang lai tiah ruah a si, asinain na rian cu TV deodorant thawngthanhnak tial a si ahcun, a herhmi B kha na tlinh lo men lai.
- Khatlei kam in, na rian cu thinghmui zawtnak a ngeimi hna umnak hmun ah sibawi na si ahcun, a herhmi B kha na tlinh ko lai nain caan tam deuh cu na lung a dongh i na lung a dongh ahcun, nangmah lawng nih na tuah khawh lo. A herhmi A kha a lonh nain na mizaw hna zong kha tampi na bawmh hna lo men lai.
Mi pakhat nih Pathian nih a biapitnak caah a fek deuhmi hrampi ah a kan auh tiah a rak ti. Amah nih a fale kan sinak, a pennak chung i rian ttha ttuan dingin a sermi kan sinak ah kan sining dirh a kan duh (Eph. 2:10). Hihi Pathian sinin kan auhnak asiloah kawhnak a si. Cathiang ningin, kan kawhnak cu thlen khawh a silo (Rom 11:29) i caan tawite lawng siloin zungzal hlawhtlinnak cungah aa hngat (Phil. 3:134:1).
Dawtmi careltu nulepa ulenau hna, Pathian nih an auhnak hmun cu, na lawmhnak thukpi le vawlei rawltamnak thukpi an i tonnak hmun a si ti kha philh hlah u sih.