Zarh fatin tuah tawmmi Pathian biacawnpiaknak he pehtlai in
"Vatican Council II in cauk pakhat asi i , aa dawh bikmi le a biapi bikmi pakhat," cu Pathian nih minung sin aa langhnak kong kong he aa tlai in Dogmatic Phunghrampi asi mi ( Pathian Bia or Dei Verbum) chung in Pope nih mipi sin ah cawnpiaknak a ngei.
"Nannih cu sinum kan ti ti hna lo, zeicah tiah sin um nih cun a bawipa tuahmi kha a hngal lo. Sihmanhsehlaw, ka hawi le kan ti hna. January 14, Cawn nithum ah khan Pope Leo XIV nih Mithiang John ṭialmi Thawngṭha cauk chung i Jesuh bia kha a theihter ṭhan hna. Vatican Council II cauk hna kha rel ṭhan awk ah forhfilanak he Pathian bia cawnpiaknak a tuah. Cupin ah hi cauk chung i Pathian Biaphuan le zumh awk tiah Bupi nih a kan cawnpiak mi hi aa dawhbik le a biapi tukmi an si tiah ati. Bawipa Jesuh nih a hawikom si awk ah a kan kawhnak kong kha theihṭhan awk ah a cawnpiak hna. Hihi Khrihfa zumhnak hrampi a si i Pathian Bia (Dei Verbum) nih a kan cawnpiak i a kan theihter. Jesuh Khrih nih minung le Pathian kar kan i pehtlaihnak cu hawikom sinak ah a thlen. Cucaah, biakamnak thar ahcun a herhmi thil pakhat lawng a um i cucu dawtnak a si."
Pathian he kan i tluk ti duhnak asi lo. Pathian le minung karlak pehtlaihnak cu zeitik hmanh ah aa tluk lo, zeicahtiah Sertu Pathian i sermi kan si. Sihmanhsehlaw Pathian Fapa minung cannak in a rat tikah, Pathian Biakamnak le aa tinhmi cu Fapa Jesuh ah a hung tling. Pathian nih a fa le ah a kan ser i, kan minung sinak cu derthawmmi ko hmanhsehlaw amah bantuk si awkah a kan auh. Pathian Bia cu kan lungthin ah a luh khawh nakhnga," cun "Pathian he bia kan i ruah khawhnak hnga, a aw kan ngaih a hau tiah ati.
Thlacamn nun kan ngeih khawhnak hnga le Bawipa he hawikomhnak kan ngeih khawhnak ding caah a biapi tukmi a si . Kan theih duhmi lawng kha ngai loin Bupi chung in amah Pathian hrimhrim nih a kan chawnhmi kha ngai a herh.
