15 January Reflection
Mark 1:40-45
Thinghmui zawtnak a ngeimi thianhternak – You Tube 👇👇👇
Thursday
Nihin thawngá¹ha ah, thinghmuipa nih Jesuh kha damter awk na ka duh maw tiah a nawl. Jesuh nih lamhlatpi in siloin naih tein tawngh in damter a duh. Jesuh le thinghmui pa an i tonnak kong cu thawngá¹ha cauk pathum ah an chim (Lk. 5:12-16; Mt. 8:1-4). Bible ningin Leviticus cauk (Dal.13) ah a langhter bantukin, thinghmui zawtnak nih vun zawtnak phunphun a huap i, tuchan i thinghmui zawtnak a silo. Hihi a donghnakbik thianhlonak a si, zeicahtiah mizaw hna kha mibu he a á¹hen hna i mizaw hna kha midang caah thurhnawmhnak hrampi ah a canter hna a si. Cucaah leng an chuah tik paoh ah mipi nih an hrial khawh hna nakhnga an awan chuah a hau. Zeicatiah Nawlbia nih thinghmui zawtnak a ngeimi hna kha a thleidan hna i midang kha a huhphenh hna nain Nawlbia nih thinghmui zawtnak kha a thianh khawh lo caah a si. Sibawi siloin tlangbawi lawng nih mizaw cu zawtnak in a luat cang ti kha a fehter khawh i phungning tein thianhhlimhnak tuah hnuah mibu chungah kirterá¹han khawh a si. Asinain Jesuh nih cun, cu he aa ralchanh in, thinghmui zawtnak a ngeimipa kha damter awkah tawngh ding a á¹ih lo. A damter hnuah Jesuh cu Nawlbia nakin a sang deuh ko nain Nawlbia kha a buar lo. Cu nakin, damnak a hmumipa cu tlangbawi sinah amah le amah aa langhternak thawngin nawlbia zulh dingin nawl a pek.
Hi thawngá¹ha chungin Jesuh nih thil pahnih a kan cawnpiak. Pakhatnak ah, lamhlat in dawt lawng a zalo ti kha a kan cawnpiak. Lamhlat in dawtnak timi cu a umlo. Cucu sau a rau lai lo caah a si. Cucaah damnak nih tangka, caan, thiamnak le pahrang lawng siloin cu lengin pumpak i telnak a herh. Damnak caah cun taksa kha kan tawngh, taksa kan i tongh i kan i pehtlaih a hau. Mizaw caah rian a á¹uanmi hna nih minung tawnghnak asiloah taksa pehtlaihnak thawngin damnak á¹hawnnak le remh á¹hannak taktak a um tikha an hmuh. Zeicatiah lungdaihnak bia kan chimkhawh hna i midang he kan umá¹i khawh caah hlawtnak le hlonhnak lungput kha a hlohter.
Asinain a himmi hlatnak ah um kan duh caan tampi a um; midang nih cun an hnulei ah an hnuh men lai asiloah lungthin le pumsa leiin an naihtuk men lai. Kan tawnghnak kha an cohlang sual lai asiloah an hngalhthiam sual lai ti kan phang caah asiloah kan thurhnawm sual lai ti kan phang caah a si. Asinain Jesuh nih a kan hmuhsakmi cu a dawtnak hi kilometer pakhat hmanh aa hlat lo. Thinghmui zawtnak a ngeimi pa cu a va naih i a tawngh i: “Ka duh ko, thiang cang,” tiah a ti. Zeicatiah Amah caah cun lamhlat in dawt lawng a za lo. Kanmah he naihniam tein le kan lakah a um khawhnak hnga kanmah bantukte minung sinakin a dawtnak zong a langhter.
Pahnihnak ah, thinghmui zawtnak a ngeimi bantukin zumhnak le ralá¹hatnak ngei. Thinghmui zawtnak a ngeimi nih mah le mah zawnruahnak ah aa tel lo caah Jesuh nih zaangfahnak le zawnruahnak taktak a langhter khawh. Asinain thinghmui zawtnak a ngeimi pa i ralá¹ha tein a cawlcanghnak ruangah Jesuh cu a tuahsernak ah a ralá¹ha chinchin: “Jesuh nih a zaangfah ruangah a kut a samh i a tawngh i, ‘Ka duh ko. Thiang cang,’ tiah a ti.” Kan dihlak in dai tein kan intuarnak i fahnak kha kan hngalh, kanmah caah le kanmah he fahnak tuar awkah timhcia a simi hna sinah hrawm kan duh lo. Cun thinghmui pa nih harnak kan ton lioah dai tein um hi a zalo i a diklo ti kha a kan hmuhsak. Amah cu bawmh a herhmi a si i dai tein tuar sawhsawh ah a lung a tling lo. Na duh ahcun na ka thianter khawh ko tiah thlacamnak in Bawipa sinah a au.
Dawtmi ulenau hna, Bawipa nih nihin ah a kan cawnpiak mi cu thinghmui zawtnak a ngeimipa bantukin hlatpiin dawt, zumhnak ngeih le ralá¹hatnak ngeih hi a zalo ti hi a si.