Pope Leo XIV nih Kawlram caah a chimmi bia

Yangon, 10 January 2026

Your Eminence / Your Grace / Your Excellency

Dawtmi U le Nau hna,

RVA hawikom dawt hna,

Pope Leo XIV nih Kawlram caah a chimmi bia, Holy See, Vatican, Hall of Benediction, Friday, 9 January 2026 ah a cohlanmi Diplomatic Corps chungtel hna sinah bia a chim lioah a chimmi bia hna kha lunglawm tein kan hrawmh hna:

“Ka ruahnak cu abik in Myanmar ram ah a tlunhmi minung le himnak harnak fakpi leiah aa mer, cucu nikum March thla ah a cangmi lihninh nih a zualter chin. Mi vialte nih zawnruahnak he minung bawmhmi hna kha a caan hmaante le dik tein an  hmuhkhawhnak ding caah daihnak le tonbiaruahnak aa telmi lam hna kha ralṭha tein thim dingah zaangfah nawlnak ka tuah bal cang. Ahmaanmi si awkah, democracy kalning cu mipi caah ṭhatnak kawlnak, zatlang lungrualnak fehternak le mi vialte ṭhanchonak karter ding caah ramkhel duhnak he aa pehtlaimi a si awk a si.

Ka chimmi thil sining tampi hna i a hrampi ah, Augustine hrimhrim nih a langhtermi thil pakhat kan hmuhkhawh, cucu thazaang le khamnak hmannak thawng lawngin daihnak a um kho timi ruahnak a fekmi kha a si. Raltuknak cu rawhralnak he a lung a tling ko nain, daihnak nih cun pehzulh te le lungsau tein saknak rianṭuannak le ralrin tein umnak a herh. Cu bantuk zuamnak cu nuclear hriamnam a ngeimi ram hna in thawkin mi vialte nih an herh. February thla ah a dih dingmi Biakamnak Thar (the New START Treaty) zulh ding a herhnak kong kha abik in ka ruah. A ngaingai ti ahcun, a thiam chin lengmangmi hriamnam thar sernak zuamnak ah kirṭhan ding ṭihnung a um, cu zong cu artificial intelligence (AI) hmangin a si. A hnubik cu aa tlakmi le ziaza lei zohkhenhnak a herhmi thilri a si, zalonnak le minung rianṭuannak kilvennak ah aa hngatmi phunglam he aa pehtlaimi a si.”

Kumthar i daihnak le unau sinak caah duhsaknak thar he,

Khrih ah lungtak tein,

Msg. Andrea Ferrante