Innchungkhar Kong

Ka innchung ahhin Lungthiang in Khua ka sak lai. (Salm 10:2-3).

Chungkhar ngei hna cu a dai anuammi Chungkhar kong an ser nakah attha mi ziaza in an nung lai. Lamkaltu St. Paulnih,

“Thit-umnak hi mi vialte nih kan hmaizah awk asi i nu le va hi zumhawktlak an si v eve awk asi. Nu le Pa sualnak a tuahmi hna le va cung in pa aa duhmi hna cu Pathian nih an bia a ceih hna lai”. (Hebrew 13:4) ati. An i hrukmi lehthah kutdong hrolh hna nih an dinfelnak hmelchunhnak an si. Asinain konglam tampi ruangah ponnak dawr ah aphan tawn. Zeitin asi zongah Chungkhar ngei hna lungthin cu midang sin phanter lo tu kha thih hlan lo kilveng cio ding asi.

Chungkhar kong a hrawk tawntu thilthalo hna kha nan hrial hna lai. A bikin “a ding lomi nu le pa sualnak te hna, dawh cah lo in umtu khuasak tehna,harnak te hna, thin thatlo te hna le siasal biak phun asimi hakkauhnak te hna hi nan thah hrim hrim awk asi. (Kolose 3:5-6). Mithiang St. Paul nih apeh rih mi cu, …

“Cucaah nan nih cu Pathian mi nan si, amah nih an dawt hna i an auh hna, Cucaah mizawnhnak, zaangfahnak, toidornak, nemnak le lungsaunak kha nan i aih awk asi. (Kolose 3:12-13). Chungkhar ngei hna cu lung thin kha nan i remh zungzal lai i thiangtein ciah zungzalnak in hmuh ning athianghlim lai. Dawtnak lamthluan kha nan zulh khawh zungzal lai i huham ngeimi Chungkhar rian kha nan ser khawh hrimhrim lai.

Nu le Va i forhnak cu minung pakhat afiangin atlinnak hnga caah nuva hna cu pakkhat le pakhat takpum le thinlung thlarau zong kha nan i pek dih lai. Nupi le Vapa hna cu nunnak dihlak kha khat le khat Khrihin i pek ding asi lai. “Na dawtmi cu na caah zeizongte asi i nangmah zong na dawtmi caah zeizong te na si ve”. (Solomon hla 2:6) timi kha nan pahnih te in fehternak nang ngei lai. Pakhat duhdawtnak hna kha Chantlung tiangin tangcung i pom in kohkhenh kilven ding cu an pahnih te in asungmi Chungkhar kong tuanvo nganpi pakhat asi kha fakpi in upat ding asi.