Baptism of the Lord- Bawipa tipil innak Puai
Baptism of the Lord- Bawipa tipil innak Puai – Thlarau thazaang laknak
(A reltu – Francis Biak Cin Thang – a ttilatu – Fr. Paul Kip Thawng) Christmas caan donghnak ni ( January ni 10, 2026)
You Tuble 👇👇👇
BAWIPA TIPIL INNAK PUAI
Baptism of the Lord
Dawtmi ulenau nulepa hna, nihin ahcun Pope Francis i Bawipa Tipil innak kong he pehtlaiin a chimmi kan ngaihnak caan a si ta rih lai.
Nihin Liturgy Thawngá¹ha nih Jesuh i mipi nunnak aa thawknak hmun kha a kan hmuhsak: Pathian Fapa le Messiah a simi amah cu Tipil petu Johan sinah tipil in awkah Jordan tiva kam ah a kal. Kum sawmthum hrawng aa thuhmi a nunnak ah, Jesuh nih khuaruahhar thil tuahnak in siseh, cawnpiak awkah stage cung kai in siseh amah le amah aa langhter lo. Amah cu Johan sinin tipilnak a in dingmi hna he a dir. Nihin liturgical hla nih mipi cu thlarau lawng le ke lawng in tipil in awkah toidornak he an kal tiah a ti. Hihi thlarau le ke lawng he, lungput dawh a si. Cun Jesuh nih misual kan tonmi harnak kha a kan hrawmpi ve; kanmah leiah a rung á¹um; tiva chungah a rung á¹um, cun cu caante ahcun minung tuanbia ah hliamhma a tuarmi chungah, an damter hna nakhnga kan ti chungah aa hnim, cun kanmah he, kan lakah aa hnim. Kan cungin a hung kai lo, mipi bantukin thlarau taklawng in, ke lawngin kan leiah a rung á¹um. Amah tein a ra lo, thimcia mi, tinvo sung phu he zong a ra lo. Amah cu mipi ta a si caah tordornak a ngeimi hna he tipil in awkah anmah he a ra.
A biapimi pakhat kha ruat hna u sih: Jesuh nih Tipil a innak caan ah, cathiang nih “thla a cam” (Lk 3:21) tiah a ti. Hihi kan ruah awk a á¹ha ngaingai: Jesuh nih thla a cam a ti. Asinain zeicah a cam? Bawipa, Pathian Fapa Amah nih kanmah bantukin thla a cam ve maw? A cam hrimhrim ko, Thawngá¹ha cauk nih voi tampi a chim – thlacamnak ah caan tampi a hman a ti: nifatin a hramthawk ah, a caan ah zaan ah, a biapimi biakhiahnak a tuah hlanah thla a cam… A thlacamnak cu biaruahnak le a Pa he pehtlaihnak a si. Cuticun, nihin Thawngá¹ha ah, Jesuh nunnak ah “caan hnih” kan hmuh khawh: khatlei ah, Jordan ti chungah kanmah leikam ah a rung á¹um; khatlei ah, a mit le a lungthin a cawi i, a Pa sinah thla a cam.
Kan caah cawnnak nganpi a si: kan dihlak in nunnak harnak le thil sining a harmi tampi ah kan i hnim, a harmi caan le kan lung a kan donghtertu thimnak hna kha ton awkah auh kan si. A si nain, rial (den) kan si duh lo ahcun, zeizong vialte kha cunglei ah kan cawi dih a hau. Cun hihi thlacamnak nih a tuahmi taktak cu a si. Luatnak lam a si lo; thlacamnak cu khuaruahhar thil tuahnak asiloah cinkenmi hla hna chim á¹hannak a silo. Thlacamnak cu Pathian kha kan chungah cawlcangh khawhnak lam kan sianh, ahar bikmi thil sining hmanh ah a kan chimh duhmi hngalhthiam khawhnak lam a si, thlacamnak cu hmailei kal khawhnak thazaang ngeih kha a si. Mi tampi nih an kal kho tilo tiah an ruah i, “Bawipa, pehzulh khawhnak thazaang ka pe ko” tiah thla an cam. Kannih zong nih, a caan ah, hi thil hi kan tuah ve tawn. Thlacamnak nih a kan bawmh, zeicahtiah Pathian he a kan fonhter, amah he tonnak lam a kan onh. A siko, thlacamnak cu Bawipa sinah kan lungthin a kan onhtu tawhfung a si. Pathian he biaruahnak a si, a bia ngaih a si, biaknak a si: dai tein um le kan tonmi thil kha a sinah chiah kha a si. Cun a caan ahcun Job bantukin amah he á¹apá¹i ve, a caan ahcun Amah he a thli a chuah ve. Job bantukin au (á¹ap) ve; Amah cu Pa a si caah Amah nih á¹ha tein a hngalhthiam. Kan cungah a thin a hung bal lo.
Thlacamnak – nihin Thawngá¹ha chung i muisam dawh hman dingah – “van kha a hun” a ti (cf. v. 21). Thlacamnak nih van a hun: nunnak ah oxygen a kan pek, nunnak harnak lakah thli thiang a kan thawhter i thil kha a kau deuhmi hmuhnak in a kan hmuhter. A cunglei ah, Jordan tiva kam i Jesuh i hmuhtonnak bantuk ngeih khawhnak a kan pek: Pa i dawtmi fale bantukin a kan umter. Thla kan cam tikah Pa nih kannih zong Thawngá¹ha chung i Jesuh sinah a chim bantukin: “Nangmah cu ka dawtmi ka fa na si” (cf. v. 22) a kan ti. Pathian fa sinak cu Tipil kan in ni in aa thawk, cu nih cun Khrih chungah a kan hnim i, Pathian miphun chungtel kan si bantukin, Pa dawtmi fa kan hung si. Tipil kan in ni hi philh hna hlah usih! Atu ah pakhat cio kha kan hal a siahcun: Tipil nan in ni cu zeitik ah dah a si? Nan lak i cheukhat nih cun nan i cinken lo men lai. Hihi thil dawh ngai a si: tipil na in ni kha philh lo, zeicahtiah cucu kan hriná¹hannak a si, Jesuh he Pathian fa kan sinak caan a si! Cun inn na kir tikah – na hngalh lo ahcun – na nu, na pa, na pi asiloah na pu kha hitin hal hna: “Zeitik ah dah tipil ka in?”, cun cu ni cu lawmhpi awkah philh hlah, Bawipa sinah lawmhnak chimh. Cun nihin, hi caan ahhin, kanmah le kanmah i hal hna u sih: zeitindah ka thlacamnak a kal? Ka ziaza ruangah maw thla ka cam, duh loin thla ka cam maw, formula (timhciami) chim sawhsawh in maw, asiloah ka thlacamnak cu Pathian he i tonnak a si maw? Kei misual cu Pathian mi hna sinah ka um zungzal, keimah lawng ka si bal lo. Pathian he naihniam tein ka um maw, Amah he biaruahnak ka ngei maw, a Bia ka ngaih maw? tikha ruatá¹han hna u sih. Nifatin kan tuahmi thil tampi lakah, thlacamnak hi daithlang hlah u sih: cu caah caan pe hna u sih, voi tampi chim lengmang dingin auhnak tawite hmang hna u sih, nifatin in Van a huntu thlacamnak Thawngá¹ha kha rel hna u sih.