St. Elizabeth Ann seton (1774-1821)

Ngaknuthiang

Audio (aw) zong in ngai khawh a si. 👇👇

American miphun chungin hmasabik Mithiang a simi St. Elizabeth Anseton cu mirum ngai a simi Protestant chungkhar i 1774 kum, Newyork khua ah a chuak. 1794 kum ah William Seton he an i um i, fa panga an rak ngei. 1803 kum, Italy ram Vouno khua ah a kal lioah William cu a rak thi. Catholic Khrihfa a hawile nih zaangfah zawnruah nak an ngeih tuk ning kha a hmuh tikah Elizabeth cu Catholic zumh ning kha a rak duh. A hawi Protestant hna nih fakpi in an duh lo nak chungin 1805 kum ah Catholic bu ah a rak lut.

Kumthum a rauh hnu, Batimo khua ah Sianglairuun pakhat a rak on. 1809 kum ah Maryland i Emibutch ah a hnu ah ‘St. Joseph dawtnak unau hna bu’ uktu a rak si hnga mi hmasabik inn kha a rak sak. Amah cu cu bu i hmasabik uktu ah an rak thim i cu rian cu 1821 tiang a rak ṭuan. St. Vincent de Paul bu ah ‘Dawtnak fanu hna phu’ i an upadi hna kha a cawn i St. Elizabeth nih a rak dirh mi cu American bupi nih bawmhchanh mi fimthiamnak phung kha hram a rak thawk mi a si.