January 2, 2026
John 1:29-34
Tipil petu Johan nih Jesuh kong tehte a khannak
Life of Francis d’Assisi timi cauk ningin, Francis nih voikhat cu phungchim dingin khuachung khualtlawnnak ah amah he i tel ve dingin tlangbawi mino pakhat kha a sawm. Sawm a si caah, siangbawipa nih cun a cohlan colh. Nikhat chung vialte amah le Francis cu lampi, lam hmete le lamkam hna ah an kal, cun khua pawng tiang hmanh an kal. Minung za tampi he an i tong. Nikhat hnu nikhat, an pahnih in inn ah an kir. Voikhat hmanh Francis nih mibu sinah bia a chim bal lo, thawngṭha kong zong aho sin hmanhah a chim bal hna lo. A lung a dongtuk i, a hawipa mino nih, “Phungchim awkah khuachung ah kan kal lai tiah ka rak ruah,” tiah a ti.
Francis nih a lehmi cu, “Ka fapa, phung kan chim cang. Lam kan kal lio ah phung kan chim. Mi tampi nih an kan hmuh i kan ziaza zong naih tein an zoh. Kan kal pah in hmunkip ah phung kan chim lo ahcun khoika hmun paoh ah phungchim ding ah kal cu santlaihnak a ngei lo! a ti.
Tipil petu Johan nih nihin thawngṭha ah Jesuh kong a chimmi hi zumh awk tlak a si, zeicahtiah zeizong vialte nakin a nungmi tehte khannak a si. Amah cu mihrokhrawl a silo i mi nih an hngalh. A nunnak ahmaanmi a si caah a sinah an ra. Tipil innak cohlan awkah Farasi mi hmanh an chuak. A chimmi bia cu a ṭhawng i mi nih an ngaih, zeicahtiah a chimmi kha a nunpi.
Cucaah Khrihfa taktak i nunnak cu ahmaanmi a si a hau. Kan chimmi kha kan nunpi a hau. Nihin Khrihfa biaknak i soiselnak nganbik pakhat cu Khrihfa nih kan zumh tiah kan timi ningin kan nung lo ti hi a si. Gandhi nih cun khrihfa hna nih an zumhnak hi nunpi hna sehlaw khrihfa ka si ko hnga tiah a ti. Ngaihchiat awkngai a simi cu, mi tampi nih Jesuh cawnpiaknak ningin kan nung kho lo mi hi a si.
Zeicahdah ahmaan tiah kan zumhmi kha tehte khannak kan peklo? Ron Hutchcraft (Wake Up Calls, Moody, 1990, p.30.) nih a ruang a chim. Amah nih a chimmi cu:
90% cu a luan ciami caan ah hmuh an rak i zuammi ah an rak hlawh a tling lo
Annih cu bible ca an thiam lo
Mithiam hna sinah an chiah
Kan zumhnak kha midang cungah kan hnek awk a silo a ti.
Cucaah thawngṭha chimnak cu “Khrihfabu rianṭuannak ah a herhmi” tiah a timi Pope Paul VI nih hitin a ti: “A cunglei ah Thawngṭha cu tehte in thanh awk a si. Khrihfa pakhat asiloah Khrihfa tlawmte kha lak hna law, anmah le an zatlangbu lakah theihthiamnak le cohlan khawhnak an ngeihmi, midang he nunnak le hmailei an i hrawmnak, aṭha lomi le zungzal caah aṭha lomi thil vialte he an i zuamnak kha an langhter. Cu pinah, atu lio sining leng tiang a kalmi sining hna ah an zumhnak le hmuhkhawh lomi le ruah ngam lomi thil pakhatkhat ah an i ruahchannak kha a sawhsawh tein le hnahnawhnak um loin an langhter tiah ruat hna u sih: Zeicahdah hi bantukin an nung? Zeidah asiloah ahodah a forh hna? Zeicahdah kan lakah an um? Cu bantuk tehte khannak cu dai tein thawngṭha chimnak a si cang i a ṭhawng tukmi le hmual a ngeimi a si,” (1975 lamkaltu forhfialnak On the Modern World, Evangelii Nuntiandi no. 21).
Dawtmi ulenau hna, zeitindah tehte kan khan lai? Hi bantuk hin a si: nifatin Missa kan kai tikah tehte kan khan; khuachung lentecelhnak hmun ah football team tuah, Khrih kong cu kan chim bal lai lo nain, biaknak leiin kan tuah ahcun tehtekhan a sicang; Eucharist minister ṭuan; sifakmi hna caah man loin upadi lei rian ṭuanpiak; retreat hruaitu ah volunteer tuah; innpa tar pawl i lamkam ah a ummi hmunthor hnawm phiak piaknak hna nih tehte a khan. Tehte sinak cu na ceunak ceuhter kha a si.