St. John of Kety, Priest 1390-1473

Audio (aw) zong in ngai khawh a si. 👇👇

Krakow University i Professor (The great Scholar of the University of Krakow) a rak simi St. John cu Poland ram, Kanty khua, 1390 kum ah a chuak. Siangbawi cannak a hmuh hnu ah Krakow University a sianghngakchia hna kha vawlei lei thiamnak lawng siloin Thlarau lei kong zong an theih khawhnak hnga fakpi in aa zuam i a rak cawnpiak chih hna. Amah le amah zong a hmaan mi zumhnak cawnpiaktu ah aa ruah. A palh mi ruahnak le zulhnak kha doh i hrawh dingin a siangngakchia hna kha bang loin a rak chimh/ a rak cawnpiak hna nain, “Thilri le hriamnam hmang hlah u; Fim le nem tein le dawtnak hriamnam lawng kha hmang u; hramhram in rianṭ uan (tuahnak) cu nan thlarau kha a sunghter lai i a ṭhabik thil sining kha a hrawk dih te lai” ti zong in a ti hna. St. John cu siikaan zulh awk upadi kha dik tein a hruai hna (a zulh pi) hna i tangdornak tling he zialṭuang ah zeihmanh phah loin aa dinh tawn lengah zeitik hmanh ah rawl a rak ei bal lo. A ngandamnak i zohfel dingin ralrin an pek tikah ‘rawl ulhnak, rawl i sum deuh in kum saupi a nungmi thetse ram khual tlawngmi kan pa le minthang tampi an um’ tiah a leh hna.

Nikhat cu rawl einak khaan ah a um lioah hal-vak mi pakhat a innhmai i a um kha a hmuh. Chikkhatlo ah a ngeih mi rawl dihlak kha a lak i hal-vak pa cu a pek. Asinain rawl einak cabuai i a ratṭhan tikah a kheng khat tein rawl a um kha khuaruahhar in a hmuh. A University zong ah atu le atu ti bantukin mi sifak hna caah rawl danghnak puai a tuahpiak lengmang hna. Voikhat cu a lung a ṭhawng i upat le dawt awk tlakmi Vicar Forane Siangbawi sinak in Olkusz ah ṭuanvo pek a rak si. 1473 kum Christmas lai zan ah a rak thi. Pope Clement XIII nih St. John kha, “Amah cu a chim bantukin a tuah a ṭuan mi upa tling pakhat sinak ah upat pek tlak mi a si” tiah a rak thangṭhat.