Chungkhar Kong
(h) Nu le Pa nih Biaknak lei ṭuanvo.
Voihnihnak Vatican Civuipi nih Khrihfa fiamthiamnak kong he pehtlaih in a chimmi cu;
“Khrihfa inchungkhar cu tluachuah veel rumnak in siseh, lehthah ṭhit- umhnak Sacrament tuah phung ningin siseh,ngakchia hna kha tipil innak Sacrament thawngin hmuhmi zumhnak he aatlak in Pathian kha lukun biak ding hngalhnak,innpa hna dawt awk hngalhnak hna kha abiapi in cawnpiak aherh. (Vatican II, Declaration of Christians Education, No.3).
Khrihfa innchungkhar hna i ṭuanvo tuah phungning hna he pehtlaih in Pope Paul VI nih nu le pa hna sin achimhmi hna cu;
“Mah pumpak hna limhang ruangah siseh, ṭuanvo tuah phung ningin siseh, nu le pa hna cu ngakchia hna kha thlacamnak he pehtlaih in siseh, Pathian biathuk hna sinak kha duhsah tein kawl i an hmuh khawhnak hnga siseh, Pathian he pumpak biaruahnak cawnnak siseh, ahram thawk fimnak pek dingah ṭuanvo an ngei….
Pope nih nule hna abiahal mi cu, “nule hna, nan fale kha Khrihfa thlacamnak nan cawnpiak bal hna maw?”
Ngakchia hna an hmetlio tein antuah dingmi sualthlahnak Sacramentu, Bawipa Thisa Sacramentu, Thiangthlarau thapeknak Sacrmenttu hna kha Siangbawi he hmunkhat in nan timhtuah piakhna maw?…
An zawlfah tikah Bawipa Jesuh sifah harnak kha ruat dingin Nu Mary le Mithiang hna bawmhnak hal dingah tha nan pek bal hna maw?…
Cun Pale hna, nannih cu ngakchia hna he thla nan camṭi bal maw? Innchungkhar dihlak he voikhat tal thla nan cam ṭi bal maw?…
Nan dinfelnak lungthin, ziaza hna in hmunkhat thlacam ṭinak ah aatel mi muisam hmuhsaknak cu nunnak caah cawnawk asi. Lukun biaknak tuah ningi aman dangte asi. Hi banatuk lam in nan innchungkhar leiah nannih cu daihnak kha nan phorh piak. (Pope Paul II, The Role of Christian Family in the Modern World. No.60)
Pope John Paul II zong nih “Khrihfa innchungkhar” cathluan ah achimmi cu, “Khrihfa innchungkhar huham le ṭuanvo ningin, innchungkhar bupi cu Pathian bawmh zungzalnak in teinak a hmuh. (Innchungkhar cu) zumhnak,toidornak le thlacamnak thawngin nan hal ahcun (Pathian cu) tlolhlo in thluachuahah an pek ko hna lai. Ngakchia hna kha thlacamawk cawnpiaknak ah nu le pa hna kuttongh muisam le anungmi tehte khaannak cu abiapibik asi i rawlh khawh asi lomi asi. (Pope John Paul -II, The Documents on Christian Family)