St. Lucy, Virgin & Martyr (304)

Audio (aw) zong in ngai khawh a si. 👇👇

Mitcaw mi hna kha a bawm i a zohkhenhtu St. Lucy cu kumzabu (3) chungah Italy ram he pehtlai mi Kutts khua Syracuse i a thiangmi chungkhar in a rak chuak. A ngakchiat tein nungak thiang sinak kha a sangbik ah a rak chiah i Bawipa Jesuh sinah a thlithup in a rak i pechan. Syracuse khua in a helh mi pa pakhat kha a rak duh lo caah cu pa cu a ning a zak ngaingai i a thin zong a huntuk caah Lucy cu Khrihfa pakhat a si tiah a phuan. Cu lio AD 304 kum ah Dioletion hna nih Khrihfa hna an rak hrem lio caan a si. A fekmi Khrihfa a sinak lungthin kha tluk ngalhter duh ah biaceih bawi nih hlawhlang inn ah taklawng in chiah dingah bia a khiah. Asinain Pathian nih lungthlen duh lo nak veel a rak pek caah an tei kho lo. Cu bangin meikhangh awkah an timh zongah an khang kho lo. Cucaah ralkap a cheu nih a mit pahnih kha hremai in an khoih. Asinain hmasa nak in khuaruahhar in a rak i dawh deuh lehlam. A hnu bik ah a hngawng kha namsau pakhat in pem lak an sawh i an thah. St. Lucy cu Bupi ah minthang ngaimi Martyr Mithiang pakhat a si.