St. Damasus I, Pope (306-383)

Audio (aw) zong in ngai khawh a si. 👇👇

Ralṭha Martyr Mithiang hna kha bochannak le upat peknak ṭhanter awkah a rak tuahtu Pope St. Damasus cu Rome khua, AD 306 kum ah a chuak. Cu lio caan ah Siangbawi hme bantuk tuah le i zuamnak (Nupi ṭhi loin umnak) upadi ser a rak si rih lo. Damasus a pa zong Siangbawi pakhat a si ve. Asinain Damasus tucu ngakchiat lio nuncan in a nung. A pa Pathian rianṭuannak Biakinn ah Deacon a rak si. AD 366 kum ah Pope Liberius a thih tikah Damasus cu Pope ah an rak thim. Cu tiin an rak thimnak cu Pope a domi Antipope Urinus nih ṭhihphaih ralchanh awk bia in a rak doh. A ka aa sum i mifim Damasus cu St. Jerome nih a leh mi Vulgate (Atu ah Roman Catholic kuttlaih, Latin holh in ṭialmi Bible) kha a rak dirkamh.

Pope Damasus a chan a hnubik kumthum chungah amah chungṭuan a rak simi Jerome nih amah kha, Nungak thiang phu i nungak thiang ralṭha mi, Martyr Mithiang hna hngatchan upat pek biaknak kha a santertu a si tiah a min a thang ngaingai. Martyr Mithiang hna thlan lungkua le vawlei tang thlan lungkua ah a rak khumh mi ca a si. Cu cathluan ah “Keimah Damasus zong hi lungkua chungah ka vui hna seh ti ka duh ve, asinain keimah cu hi Mithiang hna vutcam cungah sualnak ka tuah sual lai ti ka phang hoi” tiah a rak ṭial. Bupi tuanbia ningin Damasus kha Ardeatina Way a ngeimi nih a rak sakmi Biakinn fate chung, AD 384 kum ah an rak vui tiah a langhter.