Innchungkhar Kong
(a) Fapa fim, Fanu fim
“Fale hna, nan nu le nan pa bia ngai hna u, Cucu Khrihfa rian asi i a hmaan mi thil zong asi caah nan tuah awk asi. Na nu le na pa upat hna, cuti na tuah ah cun na caah aṭha lai i ram chungah saupi na nung lai.” (Efesa 6:1-4). Hihi nawlbia hmasa bik asi.
(b) A pa duh lo mi, a tuah lo mi Siangpahrang.
Voikhat ah Poland ram Siangpahrang arak simi Boleslaus IV cu a pa cung ah upat hmaizah nak le dawtnak arak ngeih ngaimi asi. Amah cu a pa hmanthlak kha zalte chung a sanh i ahngawng ah aa oih peng.
Palhnak thil pakhat khat ka tuah lai, tiah athinlungah a hun chuak tik paoh ah apa hmanthlak kha a hnamh tawn (asiloah) a pa hmanthluk kha a zoh i “Maw … ka dawt mi ka pa, ka pawng i na rak um lio ah ahmaan lo bia na chim lai lo, asi lo thil na tuah lai lo, Pathian nih a duh lo,” na rak ka ti tawn. A hmaan lo mi kha ka rak hrial.
A pa a dawt taktak mi fapa fim paoh,pa bia kha an upat i an zulh tawn. Anpa a um tilo hmanh ah anpa hrimhrimnak bia kha an zulh an kilveng.
(c) A pa bia kha dikthiar tein a ngaimi tuukhal ngakchiapa
A luan ci akum tlawmpal lio ah Portugal ram Braga Diocese Bishop pakhat cu a uk chung peng le ram Khrihfa hna veh dingah khual arak tlawng. Ruah lo pi in thlichia arak hrang caah Bp. cu lungkua pakhat chungah a lut i aum.
Cu lio caan ah lungkua lenglei hmunrawn ahcun tuukhal ngakchia pate pakhat cu a kiktuk mi thli le ruah lakah a dirk ho kha ahmuh i Bp. pa nih cun lungkua chung caan tlawmpal i der ve ding in aauh nain ngakchiapa nih cun a duh lo, Bp.pa kha tuukhal ngakchia panih,
“Ngakchia pa aw, nang cu ngakchia tuk na si rih, cenghngia an rat zongah zeidah na tuah khawh lai, lungkua chung na um le a lengah na um cu zeihlei dah na si lai” ati tikah ngakchia panih,
“Aa hlei tuk ko, hi ka ah um dingin ka pa nih aka cah” tiah arak leh.
Cubia cu Bishop nih a theih tikah thazaang fakpi ahmuh i”Ka pa Pathian nih na ka pek mi Khrihfa tuurun tete hna kha zeitikhmanhh ah ka hlawt lai” tiah biachahnak aa tuah.