Advent nih lunglawm thatho tein Bawipa ratnak hngah awk ah a kan cawnpiak

Hngah caan (Advent) chung kan kal lio ah ruahchannak he mi cung ah zaangfah bawmhchanhnak le rianṭha kan ṭuannak nih Pathian pennak he a kan naihter deuh tiah Pope Leo nih a ti. Nihin kan chantiluan nih a kalpimi kan vawlei ah le kan mah pumpak nunnak ah Bawipa Jesuh cu mi nih an theih an hngalh khawhnak ding ah i timh lamh caan asi tiah Pope nih a chim chap. Sermi thil vialte nih Pathian kamhmi khamhnak a tlinter lainak kan hngahmi hi a sawhsawh asi lo. Pathian nih a timhlamh mi tinhnak le a tuah lai a rian ah i tel ve hna seh ti a kan duh. Pathian nih a tlanhnak le a khamnak rianṭuannak tuanbia ah a kan telh chih, kan i ruahchan i rianṭtuannak ah kan i tel ve.

Jubilee Theme asi mi “Ruahchanak he Khualtlawnnak” hi Christmas puai kan tuah dih hnu, Jubilee puai a dih tik zong ah, tlangtar hi a tlau hlei lai lo. Cupin ah hi “Ruahchannak he Khualtlawnak” nih kan nun chung amah he khualtlawn ding le hngah ding ah a kan sawm. Vatican Council II nih a ti mi, “Khrihfa hna cu Pathian mui kengtu hmelchunhnak kan sinak cu tuanbia nih a langhter ti mi hi ruah a hau.

Pathian cu vawlei pin, kan vawlei lenglei ah a um lo, minung kan chung ah a um. Bawipa Jesuh minung cannak a lak i vawlei i a rak ratnak thawngin kan hngalh khawh. Pathian cu minung kan nunnak le thilsining ah le kan sin ah a um. Catholic zumtu Khrihfa cu Bupi a rianṭuantu ah auh an si ve, zeicah tiah hi vawlei harnak le buaibainak lak ah vawlei dawhtertu sinak in Pathian nih a kawh ve hna tiah a chim.