Pope nih Lebanon a tlawn lio ah a chimmi

Beirut tilawng dinhnak puahnak hmun ah thlacamnak a ngei. Ahmaan ning tein in thil sining chuahpi awk le hriamnam, hriamnam nih minung caah caah santlaihnak a ngeihlonak, i thahnawnnak le thihnak lawng a chuahpi i, ceihmainak le i remṭhatnak nih minung caah thil ṭhami a chuahpinak kong a chim. voikhatnak ramdang khualtlawnnak a donghnak ni ah ral ruang ah harnak a tong mi Lebanon thlanglei mipi hna telh chih in Lebanon mipi hna sinah hnemhnak bia a chim. Cu puahnak ah minung 218 nunnak a rak liam i cu a thi mi chungkhar hna Pope Leo thla a camnak hmun ah an rak ra ve i nunnak a liammi an chungkhar hmanthlak an rak i ken. Pope Leo nih nunnak a liammi an lungphun ah dai tein thla a cam.

Hi thil a rak cannak cu kum 5 a rau cang nain zei ruang ah, aho nih dah hi thil hi a tuah timi cekhlat hlathlai nak a um khawh lo ruangah a thimi hna chungkhar nih thil sining ahmaan ning tein hngalh khawh ding le a dik ahmaanmi aphi kawlah an i ruahchan rih. Biaceihnak lei hlathlainak ah bawi pakhat hmanh sualphawt an si lo, cu nih cun kum hra chung ziknawh eihmuarnak le phaisa lei sualnak a tam caah puahkehnak a tuahtu va kawl le va tlaih i dantatnak zei hmanh a umlo caah Lebanon mipi an thin a phawh hna.Pope nih Lebanon a tlawnnak nih puahkehnak tuah hi sual asi ti a langhter awk asi,” tiah cu puahkehnak ah a nunnak a liammi Joseph Roukoz  i a unau asi mi Cecile Roukoz nih a ti. Kan ram ah a dik a hmaan mi thil cekhlatnak le thil sining hmaantein a langh awk asi pinah daihnak a um awk asi tiah ati.

Pope cu Zarhpi ni ah Lebanon a phanh. Ramchung ramkhel hruaitu hna cu daihnak le remdaihnak lam pakhat in biatak zulh dingin a forh hna. Cu hmun ah thla a cam hnu ah Zarhpi ni ah phungchimnak ah, Leo nih puahkehnak kong kha fiang tein a chim i Lebanon cu dinnak hmun si dingin forhfialnak a tuah. Lebanon mipi nih an tonmi harnak tampi, sipuazi harnak, puahkehnak le raltuknak ṭihphannak tiang a chim. “Ṭhatlonak nih mi derthawm kha a hrem hna, a namneh hnanak kong a chim chih.Sihmanhsehlaw lungdonglo tein ruahchannak le lawmhnak ngeih khawhnak lam kawl dingin a forh hna. Tlukruannak cu harnak le buaibainak caah aphi kawlnak pakhat asi a ti. “Miphun le ramkhel ṭhencheunak a chuahtertu ralthuam kha phoih hna u sih. Kan biaknak le kan zumhnak ah pakhat le pakhat i tonnak ngei u si law kan lungthin chungah lungrualnak le Lebanon mipi i saduhthah kha a thar in thawhter ṭhan hna u sih,” tiah a ti.