1 December Monday
Isaiah 2:1-5, Mt. 8:5-11
Sui Hmailei Hmuhning
Advent zarhpi ni hna cu Isaiah nih vawleicung pumpi daihnak hmuhnak in aa thawk. Isaiah phungchimmi bia cu cauk ah an chiah lio ah, hi cu a hramthawknak langhnak a si hrimhrim ko, zeicahtiah a hramthawknak ah fiang tein a chim duhmi a si: “Amoz fapa Isaiah nih Judah le Jerusalem kongah a hmuhmi cu hihi a si.” A hnuah, chapter (ṭhen) pakhatnak cu, profet i a rianṭuannak sauchung caan phunphun chungin thilri hmangin a tlingdeuh mi hramthawknak ah an chap. Hi zawn ah nihin cauk chung i langhtermi langhnak cu Amoz fapa Isaiah lungthin chung i ahmasabik kan hmuhnak a si.
Mah langhnak nih Jerusalem biakinn ah ramkip le miphun kip lungrual tein hmunkhat ah an i pum lai timi aṭha tukmi ruahchannak a kan pek. Biakinn phunglam a buarter lai caah hi thil hi aṭhatuk mi a lo. Rianṭuan khawh awkah aṭha tukmi a lo rih, zeicahtiah zeitindah kan zuamnak vawlei i miphun vialte cu pakhat le pakhat dai tein an i um khawh lai? A donghnak caang, Isaiah nih a chapmi “Jacob i inn” ah khualtlawnnak kha a kham, Micah chung i aa pehtlaimi cafang cu a kham deuhmi a lo: miphun dang hna nih an pathian min in an kal lio ah, Israel cu Bawipa, Yahweh min in an kal ve lai.
Pathian nih kan caah ruahchannak a ngeihmi cu hman khawhmi biahalnak cheukhat in tah khawh a si. Biakinn ah kanmah he a Thiangmi Hawikomhnak rawl (Holy Communion) a eimi paoh kha kan chungkhar zanriah eidinnak cabuai ah sawm kan duh hna maw? Thinhunnak philh awkah timhcia kan si cang maw – “vainam kha lo tuahnak ah ser” awkah? Advent hramthawknak i hmuhnak nih hin kanmah umnak hmun ramri leng tiang a phan. “Ramkip” miphun kip phunnam kip hna cu Bawipa biakinn leiah an i luang. Kan hal ṭhanmi cu, kanmah he aa dang tukmi hi mitampi hna hi kan innka hun in cohlan kan duh hna maw? A ngaingai ti ahcun, hihi ahmaan tukmi a si caah kuttong nunnak ah hman khawh a har ngai.
Thawngṭha chungah, Jesuh cu biaknak le miphun sining aa dang tukmi, ramdang, mi hremtu nawlngeihnak aiawhtu Rom ralbawipa inn ah sawm a si i, a cohlan. A inn chungah Jesuh um awk tlak lo tiah a ruah caah a lung a congortu cu Rommi a si. Jesuh cu cubantuk a nemmi toidornak nih a khuaruah a harter, cun ralbawipa nih a salpa caah a nawlnak kha a hmuh, amah cu tlaihmi miphun pakhatkhat in Rommi a si lomi a si lai. Ralbawipa nih Judah mi Jesuh hmaiah a salpa caah a kun i bawmhnak a halpiak!
Jesuh nih hi lenglei mi hi Abraham, Isak le Jakob zultu taktak le tefa taktak zohchunh awk ah a langhter. Nihin ah a zultu taktak si awkah lamhruainak le thazaang peknak caah lenglei mi kha zoh awkah ruahnak a kan cheuh rih. Mi hna cu Jesuh, kan Zion le Jerusalem, sinah thlacamnak le biaknak hmunpi lei ah an ra i, kan khuaruah a hartuk caah lenglei mi ah kan ruah hna ti kan hmuh. Hitin a kan ti: “Hi tluk zumhnak hi nan lakah ka hmu bal lo” tiah a ti.
Dawtmi ulenau hna, Advent chungah lenglei mi sinin toidornak le lawmhnak he Pathian biakinn thiang ah zeitindah tlak tein nun khawh a si ti kha kan cawn khawh. Ruahlopi in thil tampi kan cawn khawh. Asinain Isaiah cauk le abik in Mikah cauk ah a cangmi bantukin hi langhnak ah kanmah tein khamnak phunglam kan chiah awk a si lo. Atu caah cun aṭha tuk men lai, asinain cu hmanh ah Pathian nih a duh taktakmi he pehtlaihnak ngeih peng awkah kan ruahchannak kha a thianghlim khawh chung le a sang khawh chungin chiah a herh.