Chungkhar Kong
Innchungkhar nunnak le thlacamnak
Thlacamnak cu ngakchia kip ca ah siseh, innchungkhar kip caah siseh aherh ngaimi asi. Duhdawtnak cu innchungkhar in a chuak i innchungkhar nih hmunkhat in thla an cam ahcun hmun khat ah (i tthennak um lo) an um tti i Pathian nih innchungkhar pakhat cio a dawt bantukin nannih pakhat le pakhat nan i dawt ve te lai. (Mother Theresa).
Lehthah tthit-um nak ahmu mi hna cu Chungkhar nunnak ah harsatnak hna fahnak, hneksaknak phunphun nan ing lai. Chungkhar kong kha fawite in na ruah ahcun saduhthah menmen asi kha philh hlah uh. Voikhat cu khua pakhat ah Pathian lei aa zuam ngaingai minu pakhat cu Biakinn ah aa pum zungzal i biaknak lei a zuam ngaingai kha Khrifa na nih an hmuh. Cu Khrihfa nu cu nunnemnak, biaknak lei zuam chinchinnak, nuning ziazatthatnak hna ah aa zuammi kha Khrihfa vialte nih cun an hngalh. Ni ni khat ah cun Sister asi te lai, tiah an zumh cio.
Zarhpi ni voikhat ah mah minu lehthah tthit-um nak kong cu Biakinn ah an thanh tikah Khrihfa pa pakhat nih mah minu cu a kut a tlaih i,”Nu u Pa, nih a hlan arak in ruah ning ah cun, amah nu hi biaknak lei aa zuam, Pathian a zumh tuk, aa zuamtuk i Sister attuan te lai, tiah kan ruah. Atu bantuk va angei hnga mi ngakchia nu asi lo,kan ti. Va a ngei lai ti ka theih tikah ka khuaruah a har, tiah ati. Cutikah mi nu te nih, “Keimah cu va ngeih ka timh caah Pathian lei kaa zuam mi asi. Ka upa natheih bantuk in va ngeih ding cu afawimi asi lo. Pathian thluachuah tampi aherh a si lo mei!” tiah arak leh.
Aa tthit-um ka mi nu va pahnih hna cu Jesuh Vailamtung kha an cawk i an innchung innhmailei kap ah anthlai. Cu nuva cu vailamtah hmai ah khupbil in Jesuh kha an mitlhlam ah cuanter in thla an cam zungzal. An thlacamnak bantukin Jesuh cawmnpiaknak ningin an nung. A dikmi Khrihfa nunnak in an `hang ve.
Cuticun kum saupi a liam i fanu/ pa zong tampi an hrin. An fale zong an fim i Pathian an zumh ngaingai. Ni khat cu ahawile he an ruh lehthah nak Sui Jubilee puai an tuah.
Cu Jubilee puai ah ahawipa pakhat nih, “Nannih nih hitluk in afim i ziaza ttha he atlingmi fale hna hi zeitin dah nan cawnpiak na,” tiah a hal tikah Jubilee tuah tu nutung na nih Kum (50) khengtu an biakttheng cung i an thlaimi vailemtah kha a sawh piak i, “Kannih, hi bantukin fale fim hna kan cawn, kan zohkhenh khawhmi cu amah thawngin asi. Bawipa Jesuh thawngin asi. Amah bochan le zumhnak he thla kan cam peng. Amah cawnpiak chimhrinank biatak ningin kanum, kan nung i ngakchia hna kha lam ttha ah kan rak muhsak khawh hna caah asi” tiah a leh.