DINTI HARNAK (PIAHTANA)

Tulio chan thil umtuning ah a dang hmuhsak dingmi konglam pakhat cu kokek vawlei chungchuak thilri hna a rocarnak `ihnung ral hi a si. A `hangchomi ram hna le mirum chungkhat hna ah sawksamnak, thlet hlonhnak hna cu hlan i kan rak ton ballomi thil umtuning leiah a phak caah, tulio chuahtermi thil hna a hmang liomi tlawmtam kha pehzulh in an kilveng kho lai lo timi kha kan dihlak in kan hngalh cio.

          Vawlei cung i vawlei chungchuak thilri hna kha hmanpalhnak cu cohlan khawhmi tahnak nakin a lonh ko nain sifah harsatnak piahtana tucu nihin tiang kan fianter kho rih lo.

          Dinti cu minung le lei-um saram hna, tichungum saram hna an nun khawhnak caah a umlo awk a `ha lomi a herhmi thil a si ruangah, tithiang tifim hna hmuh khawhnak cu a biapi ngaimi pakhat a si. Tithiang tifim hna kha ngandamnak, thlai rawl cinnak le sehzung hna ah a herh.

 Hlan ah ti kha a zatceo in hmuh a rak si nain atu ahcun hmun tampi hna ah ti hmuh khawhnak tihram hna in chuahpiakmi ti tlawmtam nakin, a herhmi hman awk ti tlawmtam cu a tamtuk palua caah caan sau caan tawi a hnuzulh thil umtuning hna he kan hmaitonh te lai.

          Ti a zatceo in phawtzamh (pek) nak ah aa dor aa hngatchanmi khualipi khuapi hna ah cun atu le atu ti bantuk in ti i zatlo in hmuhnak hna an tong i tilei harnak an tonlio caan hna ah ti zatceo in hmuh lonak, mithmai zohnak in a luatlonak he zong ton thiam a si.

          Ti a harnak dan kha Africa peng`han ah tambik an ton. Africa peng`hen ah mitampi hna ca i vanchiatnak umlomi tithiang tifim a hrampi an banh khawh lonak a si i, cinthlak rian`uannak a khondenmi khuakhen tuarnak kha atu le atu an ing.Ram cheukhat hna ahcun ti a tamnak hmun a um bantuk in ti a harnak dan a ingmi hmun le ram hna zong hmuh khawh a si.