Pathian ṭhatnak cu zeibantuk fahnak hmanh nih a hmit kho lo

Minung pakhat i limhang (dignity) kha upathmaizahnak a ṭhanchotertu ding zatlangbu dirh awk le sersiam awk ah Pontifical Commission for the Protection of Minors Conference ah a ra mi biaknak caah pumpek rianṭuantu  hna sin ah Pope Leo XIV nih forhfialnak le thazaang peknak ca a kuat hna. Cu Conference ah a rammi hna sin ah a chimmi cu, a derthawmmi, le ngahchia kumtling rihlo mi hna zohkhenh kilvengtu phu dirh awk ah thazaang a pek hna.

Minung limhang (dignity) timi cu Pathian nih minung pakhat cio kan sinah laksawng a kan pekmi asi i cu laksawng cu minung nih fimthiamnak le thazaang chuah in kan i zuammi ruang ah hmuh khawhmi asi lo. Pathian dawtnak in ser le hrin kan si caah a derthawmmi kan mithmai ah harnak le thabaatnak um ko hmanhsehlaw amah sin in kan hmuhmi ceuhnak le ṭhatnak vialte hna cu zeibantuk fahnak hmanh nih a hmit in a tei kho bal lai lo. Minung pakhat cio i limhang sining kha upathmaizahnak le nemnak he sinah va naih awk ah le an thilrit va chawn hna i ruahchannak va hrawm hna awk ah biaknak ca i nunchung pumpek in rianṭuantu (religious consecrated) hna sin ah forhfialnak a tuah.

Kan pawngkam, innpa zohkhenhnak le kilvennak cu zaangah zawnruahnak le dawtnak lungthin in a chuak,” tiah a ti. “Innpa chakthlang cungah bawmhchanhnak le kivennak ṭuanco laknak thawngin zalonnak taktak kan hmuh. Cu zalonnak cu mi va uk, va pennak si lo in, a herhbau mi bawmhchanhnak le an mah va rianhnak khi asi deuh.

Pathian rianṭuantu (religious consecrated/siangbawi, brothers, sisters) hna nih thianhlimnak, sifak tein in um le khuasaknak, le nawlngaihnak in Khrih hnu zulh an i thim i Khrih sinah mah le mah pumpeknak” nih midang kha zalong tein a dawter khawh hna tiah a chimchap.

Conference ah aa telmi hna nih an tonmi thil kong chim ding ah le “ningcang loin harnak phunkip an tonmi” kong ah zeitindah kham khawhnak ding i ceimai ding ah  a sawm hna.

Hi rianṭuannak hna hi hmailei ah kalpi dingin kan forh hna, cucaah zatlangbu hna cu zumhnak le biaruahnak zohchunh awk ah an cang chin lengmang lai. Cuka ahcun mi pakhat cio kha upatnak, ngaihpiaknak le sunlawinak an hmuh lai,” tiah a ti. “Dinfelnak cu zaangfahnak he nunpi a sinak hmun paoh ah kan inmi hma hna cu vellaksawng a kan hmuhtertu ah an cang. A donghnak ah, Pathian rianṭuantu hna nih hi rianṭuannak, ngakchia hna le, a derthawmmi hna kilven zohkhenhnak rian le hi nunphung ṭhanchoter ding ah Bupi he kuttlai in ṭuanṭi awk ah Pope nih thazaang peknak le forhfialnak a tuah.