November 17, 2025 Monday

Bible : Luke 18:35-43

Mitcaw mihaltu damternak

Kan rianṭuannak hi 80% cu kan mit cungah aa hngat tiah hrampi (source) pakhat nih a chim. 80% cu cawlcanghnak tampi a si i cucu mitcaw dihmi hna nih rianṭuannak he pehtlai in 20% lawng an chuah tinak a si. A sullam cu mitcaw hna caah: leng lentecelhnak kha mangṭha; rian hmuhnak caanṭha kha mangṭha ti ko; rian hmuhnak ding a har, dai tein vailam tahnak tan kha mangṭha; zukcawl le tileunak; chawlehnak le a dangdang hna kha mangṭha uh tinak a si.

Nihin thawngṭha ah, mitcawpa nih Jesuh cu damnak hmuh dingin a hal, a ruangbik cu a tlamtlin lonak ruangah a cunglei langhtermi thil hna nuamhnak a hmuh khawh lo caah a si nain dai tein umter a si. “A hmailei i ummi hna nih an sik i dai tein um dingin an ti nain a au chin lengmang: “David Fapa, ka zaangfah tuah,” tiah a ti. Jesuh nih mitcaw hna i an herhnak a fiangmi kha a hmuh i, “Na khuahmuhnak kha cohlang, Na zumhnak nih an khamh cang” a ti.

Mitcaw nih khua a hmukho lomi cu a hmaanmi a si. Asinain a mit lawng in a hmu kholo hmanh ah a dawtnak lungthin in a hmuh khawh. Thlarau leiin, kannih zong mitcaw kan si ve, zeicahtiah hmuh khawhnak mit tling kan ngei nain zoh kan duh lo. Nihin thawngṭha chung i mi hna bantukin midang herhmi hmuh kan duh lo caah mitcaw bantukin kan i celh. Ngakchia hna nih nunnak caah lamkam ah rawl le tangka an halmi kan hmuh hna i kanmah le kanmah hitin kan i ti: “Annih cu bupi nih an hruai hna.” Cun hmuh kan duh lomi hna cu ahodah an si? Mitcaw in kan i celhmi hna cu ahodah an si? Bishop Soc Villegas nih cun Pathian nih mit a kan pek caah khua kan hmu kho lai tiah a ti. Pathian nih thinlung a kan pek i khua kan hmuh khawh deuh nakhnga caah a si. Caan paoh ah hmang hna usih.

A donghnak ah Maria Carey nih ‘Nihin ah Jesuh Hmuh Ka Duh’ timi hi ruat hna u sih:

Nihin ah Jesuh hmuh ka duh. Cu nakin tarpa cu pump he gas station pawngah a dir ko kha ka hmuh. Pakhat le pakhat hellow ti kan i chawnhbiak i merhnak he kan kal cio.

Nihin ah Jesuh hmuh ka duh. A nu he a nuamhbik ngakchiate ka hmuh i a nu cu Wal-Mart cungah a thlumtuk. Pakhat cio ah ka merh hna i ngakchia pate nih ka kut le ka lungthin tawngh awkah a kut a ka samh i, “Hello, ngakchia pate,” tiah ka ti. Amah cu a nih pah in a zaam. Cuka ahcun, sualnak ngei lomi i a thiang bikmi le a thlum bikmi sinin tawnghnak in a ceumi le mithmai panh mi he  ka dir.

Nihin ah Jesuh hmuh ka duh. A ritmi thil cawknak bawm pahnih a tlaihmi tarnu pakhat ka hmuh. A tha a ba tukmi a lo. Lam tan aa zuam lio cu ka zoh. “Na thil hna cu kan phorhpiak lai” ka ti i ka chim bangin a tuah khawh lai lo ti ka phang. Lam kan tan i cu bawm pawl cu a innka tiang block 3 tluk ka phorh hna. A ka lawmh i ka lung a tlingtuk.

Nihin ah Jesuh hmuh ka duh. Tlanglawng dinhnak ah mipa cu ka hmuh, tangka thlennak a ka hal i ka zoh. A thlennak cu zeidah a tuah lai ti ruat loin, ka pek. Thlacamnak le thluachuahnak he ka tuah. Cun ka chuak i inn lei ah tlanglawng ka cit. Nihin ah Jesuh hmuh ka duh tuk i amah zong nih a ka hmuh ve ti kha na hmuh.

Cu tikah cun nikhat chung pakhat le pakhat kan i hmuh cang ti kha ka hun hngalh. Amah ka hmuh tik paoh ah aa dangmi a hawng chungah a um nain cucu amah a siko. A muisam le a muihmel cu aa dang cio lai nain Amah cu aa khat zungzal. Amah he kan i ton tik paoh ah zeidah ka tuah lai ti hngalh le hmuh a ka duh.

Dawtmi ulenau hna, nihin ah Jesuh hmuh ka duh taktak i nikhat chung vialte fiang tein ka hmuh ti kha na hmuh.