November 12 – Wednesday

Bible thiang relnak: Luke 17:11-19

Thinghmui Zawtnak a ngeimi Pahra Thianhnak

Marcus Cicero nih hitin a ti: “Lunglawmhnak cu ziaza ṭhabik a si lawng si loin a dang vialte i hringtu a si.”

Dawtmi ulenau hna, nihin thawngṭha nih hin thinghmui zawtnak a ngeimi pahra, pakua cu Judah mi an si i pakhat cu Samaria mi a si, Jesuh nih an thinghmui zawtnak in a damtermi hna tuanbia a kan pek. Mah lio caan ah thinghmui zawtnak cu fihnung a simi zawtnak a si ti kha kan dihlak in kan hngalh. Thinghmui zawtnak a ngeimi hna cu a dammi hna he i komh lo dingin an rak kham hna. Cucaah hi thinghmui pahra hna nih hin lamhlatpi in Jesuh kha damter awkah an auh. An dam tikah, pahra ah pakhat lawng nih Jesuh sinah a va kir i lawmhnak bia a chim. A dang pakua cu khuazei ah dah an um?

Lawmhnak cu nihin ah a tlaumi zuksuai bantuk a si. Warren Wiersbe nih Kolose cakuat a fianternak ah hi buainak hi a langhter. Evanston, Illinois, U.S.A. ah a ummi ministerial siangngakchia Edward Spencer kong a chim, amah cu nunnak khamhnak phu ah aa telmi a si. 1860 kum ah Evanston khua pawng Lake Michigan rili kamah tilawng pakhat a tla. Edward Spencer cu khualtlawngmi 17 khamh awkah a kikmi ti chungah a pil lengmang. Culio ah, a ngandamnak cu zungzal in a rawk. Kum zeimawzat hnuah a ruak vuinak ah, a khamhmi hna lakah pakhat hmanh nih lawmhnak bia an chim ballo ti kha hmuh a si (Our Daily Bread, February 20th 1994 chungin).

Zeicahdah Pathian cu kan lawmh awk a si? Ka hawipa nih lawmhnak kong he pehtlaiin hi email cakuat hi a ka kuat.  

“Bible pakhat lawng na ngeih ahcun, thluachuah tampi na hmu, vawleicung mi cheuthum cheukhat nih pakhat hmanh an ngei lo. Tuzing ah zawtnak nakin ngandamnak tam deuh he na thawh ahcun, zarhkhat chung a nung kho lomi vawleicung pumpi ah a ummi nuaikhat hna nakin thluachuah na hmu deuh. Raltuknak ṭihnung, thongtlaknak mah lawng sinak, hremnak fahnak asiloah rawlṭam fahnak na ton ballo ahcun vawleicung pumpi ah minung nuai nga nakin an hmai ah na um. Hremnak, tlaihkhihnak le thihnak hremnak ṭih loin biakinn pumhnak na kai ahcun, vawleicung minung billion thum dengmang nakin thluachuah na hmu deuh. Na ရေခဲသေတ္တာ (kikkuang) chungah rawl, na keeng ah hnipuan, na lucung i inncung cih le ihnak hmun na ngeih ahcun, hi vawleicung i 75% nakin na rum deuh. Bank ah tangka na ngeih ahcun, na tangka bawm ah le hmunkhat ah rawlchuannak ah tangka na ngeih ahcun, vawleicung mirum 8% lakah na tel ve. Na nulepa cu nupi/pasal an ngei rih i an nung rih ahcun, na vanṭhatuk. Na hmai ah mithmai panh tein na lu na hler i na lawmh taktak ahcun, thluachuah na hmu zeicah tiah mi tamdeuh nih an tuah khawh nain mitampi nih an tuah lo. Mi pakhatkhat a kut na tlaih khawh i an liang cungah kut na chuan khawh ahcun, mi thluachuah na si zeicah tiah Pathian i damternak tawnghmi kha na pek khawh. Nizan le nihin ah, mi tlawmdeuh ah na um zeicah tiah, Pathian i thlacamnak ngaih duhnak le leh duhnak lungthin na zumh caah a si. Jesuh cu Pathian Fapa a si tiah na zumh ahcun, vawleicung ah mi tlawmte lawng chung i muri ṭhen na si. Cun mah hna hi lawmhnak kan chim awk a sinak a ruang hna cu an si.

Cucaah, Jesuh nih a thinghmui zawtnak in a damter caah a cungah aa lawmmi thinghmui zawtnak a ngeimi pa bantukin kannih caah zeitluk in dah lunglawmh awk a tam deuh lai? A cunglei ka langhtermi thil hna lengah Pathian nih kan Khrihfa zumhnak, ngandamnak ttha, dawtmi, fimthiamnak, thiamnak le zung thiamnak le a dang laksawng thongkhat a kan pek caah kan i lawmh deuh awk a si.