St. Leo the Great, Pope & Doctor

Audio (aw) zong in ngai khawh a si. 👇👇

Tuanbia chungin hruaitu bik a simi Pope hna lakah pakhat a simi Pope Leo I nak cu Rome khua, AD 400 kum ah a chuak. Amah cu hngalhtheihnak he a rummi le a hleice fimthiamnak a ngeimi a si bantukin Siangbawi cannak a hmuh tikah Pope i pumpak Secretory a rak si. Pope Sixtus III nak a thih tikah Pope sinak ah an rak thim. Pope Leo cu Pope i hmunpi a simi Vatican huham kha thali-chunh khawh lo tiangin a santer. Biaknak lei teinak cu AD 451 kum, Charlesidon pumhnak ah a sangbik a rak phan. Cu meeting ah “Bawipa Jesuh cu Pathian sinak pakhat lawng a ngei timi zumh palhnak kha a doh i Bawipa Jesuh minung cannak kha a rak fehter. A ca cu Pope kuzale hna nih an rel tikah Bishop hna nih cun “Peter nih Leo hmang in bia a rak chim cang” tiah an dirkamh ci oi minsen an thut cio. Bawipa Jesu hi sinak pahnih pehtlaihnak kha dikthliar tein a fianternak a ca cu Bupi i phungning cawnpiaknak ah a rohtak.

AD 452 kum ah Pathian hrihrual tiin mi tampi nih theih mi Attiladihan cu Rome khua tuk dingah a ralkap he an rak chuak. Khuami le rammi hna zong an lautuk cio i ralkap tampi hna cu an rian le an renk kha an chuahtak dih. Cu tikah Pope nih a ral hna kha Vailamtah in a doh hna i Attila zong kha a ram leiah kir dingin a lemsoi. Attila cu St. Peter le St. Paul hna nih vawlei cung ummi hna i Bupi kha khamh awkah Vancung in an rak hrocer mi muisam kha Pope hnu leiah a hmuh tikah a lung aa thleng tiah an ti. Voikhat ah Pope Leo cu a sualthlahnak caah St. Peter thlan ah ni 40 chung bak thla a cam. Cu tikah Lamkaltu St. Peter cu a sinah a rak lang i “Siangbawi cannak pek sualmi ruang i palhsualnak chim loin na sualnak vialte kha Pathian min in kan ngaihthiam cang” tiah a rak ti. Cu thawkin a hnu ahcun Siangbawi cannak kha a kum a tling cikcek i ttha tein chekhlat, hlathlai cang mi (Brother) hna lawng Siangbawi cannak pek ding in ri a khiah. Pope Leo cu AD 460 kum ah a thi. A thilhlun hna cu nihin tiang Vatican Biakinnpi ah an chiah peng rih ko.