November 7, 2025 Friday
Audio 🎧👇👇👇
Bible: Luke 16:1-8
A dingfel lomi zohkhenhtu kong bianabia
Carveth Mitchell nih hi tuanbia he pehtlaiin vanzuang a cawkmi pa kong a chim. Vate cu biafang pakhat chim dingin a cawnpiak i cu biafang cu, “Nihin” ti a si. Zingka a thawh tikah le zaan ah inn a tlun tikah vate nih “Nihin” tiah a theihter zungzal. Cu vate pawngkam ah cun thawnnak a umlo. “Nihin, nihin, nihin,” tiah a au.
Thla ruk hrawng a rauh hnuah mipa nih cun adang vanzuang pakhat a cawk ṭhan. Cu vate cu biafang pakhat chim dingin a cawnpiak i cu biafang cu “Thaizing” ti a si. A chimmi cu, “Hmailei a umlo bantukin ka nung, nihin hi a um dih ko, cu bantuk cu a silo ti ka hmuh,” tiah a ti. Vanzuang pahnih fonh in nunnak ah a ummi thil taktak: nihin le thaizing ah a lungthin a chiah khawh nakhnga an bawmh.
Nihin thawngṭha ah, zohkhenhtu nih cun, vate pahnih i aw pahnih kha a theih khawh men. Thaizing cu nihin i Pathian biaceihnak a si.
Nihin caah thawngṭha kan relmi cu a dihlak in mifel te le fim tein um hi a si. Ahmaan lomi asinain a fimmi hruaitu nih nihin ah a rian sungh ding ṭihnung a si ti a hngalh caah, a donghnak ah a dikmi strategy (khuakhan thiamnak) a hman i thaizing caah amah leiah cabuai a thlen. “Fimnak” timi a hramthawk sullam cu “hmailei hmuh khawhnak” ti a si. Mifim nih cun abiapi tukmi thil sining kha biakhiahnak le hmailei hmuh khawhnak he a hngalhthiam. Mi pakhat nih Jesuh cu tangka lei harnak nakin abiapi deuhmi thlarau lei harnak kong ah a lungre a thei tiah a ti. Zumhnak le hmailei hmuhkhawhnak hmannak thawngin hi harnak hi kan hrial khawh. Khrihfa hna nih caan tawite chung i a chuakmi vawlei thil ah an hmanmi tluk in zungzal in a chuakmi thlarau lei thil ah hmailei hmuhnak he thazaang an hman ahcun, hi nunnak le hmailei chanah an ṭha deuh taktak lai. Cucaah atu cu kan rian cu hihi a si:
Pakhatnak ah, ceunak fale bantukin! Ceunak fale cu ahodah an si? Ceunak a simi Jesuh Khrih a zulmi hna kha an si. Cun nihin vawlei ah Khrih cu zeitindah a um? Ceunak fale kan si bantukin Khrih kan i put chung paoh cu vawlei ah Amah hi a um. Kan si awk a simi kan si ahcun vawlei pumpi mei in kan khangh lai! Thla kan cam awk a si bantukin thla kan cam ahcun vawlei kan ceuter lai.
Pahnihnak ah , mifel le fim tein um hna usih. Fimkhur tein kan fel i kan fim a herh. Zeitindah thlarau hna kha Khrih sinah ṭha tein kan hruai khawh hna lai i, Khrihfa hna le an nunphung kha thawngṭha chim ṭhan le Khrihfa ah ser ṭhan khawh a si lai ti kha kan tuaktan a hau. Asinain, a ngaingai ti ahcun, hi cu a fawimi rian a si lo i ṭihnung a chuahpi. Fr. Marcial Maciel nih a cauk, Is My Life – Ka Nunnak a si maw? (p. 263) ah hitin a ṭial: “Thawngṭha chim cu a zungzal in ṭihnung a si. Nihin zongah aa dang lo. Lamkaltu si cu na minṭhatnak le na dirhmun, cun na nunnak hmanh kha ṭihnung ah chiah tinak a si; cucu na hnangamnak hmun kha kaltak i mihrut asiloah mang manhtu tiah min an in sak lai ti phan lo kha a si. Mah nih hin lamkaltu taktak cu a lung a fahter lo. Amah nih cun ṭihnung a si ti kha a hngalh, asinain zeidah a zun lai ti kha a hngalh fawn. Mithiang Paul nih a chim bantukin, ‘Ahodah ka bochan ti kha ka hngalh’ (2Tim 1:12). Lamkaltu pakhat i a lungretheihnak cu Khrih cungah zumhawktlak tein um le Thawngṭha phuan dingin a nawlbia ah zumhawktlak tein um tikha a si.”
Pathumnak ah, a ṭha bikmi kha ngeih hna u sih. Cucu kan tuahkhawh nakhnga Jesuh Khrih i ṭhatnak kha kan ngeih hmasa a hau. Kan thinlung cu Amah in a khat a hau zeicatiah ahohmanh nih an ngeih lomi cu an pe kho lo. A ṭha bikmi ah kan fimnak le kan duhnak thazaang hngalhthiamnak aa tel. Khrih cu kan i tinhmi a si. Khrih cu kan ceunak a si. Khrih ngeih cu atu kan chan he fimkhur tein pehtlaihnak a kan tuahter lai i Khrih ceunak ah a kan hruai lai.
Dawtmi unau hna, Kan lungthin nih zeidah a sunsak bik?