Lamkaltu Forhfialnak (apeh)
Saint Francis
6. Pope Francis nih, cu min a thimnak kong a fianter tikah, Pope thim a si hnuah, a hawipa Cardinal pakhat nih a kuah, a hnamh i, “Sifakmi kha philh hna hlah!” tiah a ti kha a chim. Khrihfabu hruaitu hna nih Mithiang Paul cu a rianṭuannak fehternak caah Jerusalem a kai lio ah an rak nawlnak he aa khat (cf. Gal 2:1-10). Kum tampi a rauh hnu zongah, Lamkaltu nih “ka tuah duh taktakmi cu” a si tiah a fehter khawh rih (Gal 2:10). Sifak zohkhenhnak cu Assisi khuami Mithiang Francis zong nih a lungretheihnak nganpi a si: thinghmui zawtnak a ngeimi pakhat dirhmun in, Khrih hrimhrim nih Francis cu a pom i a nunnak a thlen. Nihin tiang zongah, Mithiang Francis cu, Assisi khuami sifak pa a si bantukin, kan zohchunh awk tlak in thazaang a kan pek peng.
7. A luancia kumzabu pariat lio ah khan, Mithiang Francis nih a chanlio i Khrihfa le zatlang nun ah thawngṭha chimnak tharchuahnak a rak chuahter. Mirum le mah le mah zumhnak a ngeimi, mino Francis cu misifak le mibu chungin hlawtmi hna he direct in pehtlaihnak a ngeih caah a khuaruah a har i a lung aa thleng. A nunnak tuanbia nih zumtu hna lungthin le thinlung a hnuh peng hna, cun zumlotu tampi zong an lung a thawhter peng hna. “Tuanbia a thlen.” Cu lam cungah a dang pakhat cu Vatican Council pahnihnak nih a lak, Mithiang Paul VI nih “Samaria mipa bianabia hlun nih Council i thlarau lei zohchunh awk a si” tiah a ti tikah a langhter. Kanmah le kanmah kan i hngatchannak in kan luat khawh i an aunak kha kan hna kan hun khawh ahcun, sifakmi hna caah papeknak cu Khrihfabu le zatlang nun caah ahleiin tharchuahnak hrampi a si ti kha ka zumh.
J. BergoglIo – A. skorka, Sobre el cielo y la tierra, Buenos Aires 2013, 214.
paul vI, Homily at the Mass for the Last Public Session of the Second Vatican Ecumenical Council (7 December 1965): AAS 58 (1966), 55-56.
8. A kangmi thinghnah chungin Pathian nih Moses sinah amah le amah aa phuannak Cathiang chung i a ummi cu hi zuamnak caah a zungzal in hramthawknak a si kho. Cuka ahcun hitin a ti: “Izipt ram i a ummi ka mi hna an harnak kha ka hmuh, an bawi hna ruangah an aunak kha ka theih, an temhinnak kha ka hngalh i annih khamh awk ah ka rung ṭum… Cucaah ra law kan thlah lai” (Ex 3:7-8,10). Cuticun Pathian nih sifakmi hna an herhbaunak a siaherhnak kha a langhter: “Israel mi hna nih Bawipa kha an auh tikah, Bawipa nih khamhtu pakhat kha a thawhter hna” (Biaceihtu 3:15). Sifakmi hna i aunak theihnak ah, a fale, ahleiin a herh bikmi hna caah a ruat zungzalmi Pathian i thinlung chungah lut dingin fial kan si. Cu aunak cu kan leh lo ahcun, sifakmi hna nih Bawipa sinah kanmah ralchanh in an au men lai, cun sualnak kan ngei lai (cf. Deut 15:9) i Pathian lungthin taktak kha kan pial lai.