KANNIH TLANGHRAWM A SIMI KAN UMNAK HI VAWLEI AHHIN ZEI THIL DAH A CANG?

Minung umtuning le Vawlei um tuning hna zoh in kan ruah tikah minung kan tuanbia ah voikhatte hmanh kan rak tong bal lomi tuchan i thil um tuning cang hna kha a thar in dikthliar kan zohnak cungah hrambunh ahcun Biaknak le Bible thiamsang hna, khuaruahnak lei thiamsang hna i soisel ruahnak hnna cu lungpinnak a si. Cu caah kannih cu zumhnak a pemi fianternak thar hna le kannih vialte he pehtlaimi vawlei nih a herhnak kongkan chim hlan ah kan umnak Vawlei i a cang liomi kong he pehtlaih in tlawmpal te ruat cio dingin kan sawm hna.

Minung le Vawlei pumpi i khua-awng pemhnak kha a hliamter mi nihin rianrangte pehzulh in a chuakmi thlennak hna le rian tuaitam i khulrang ngai in rianṭuan in a um a nungmi hna cu pehtlaihnak a ngei.

Tuaitam mi phung ningin rianṭuanmi hna ca ah thlennak hna cu a cheuchum ton hngami thil a si nain, saram lei thiamnak he pehtlaimi a nuar ngaimi kokek thlennak he khahchunh ah cun a ṭhangchomi kan chan ah mi nih kan tonmi thlen ṭhanchonak cu a raungtuk hirnghran kan ti ko lai.

Cu hlei ah atu bantuk rian rangte pehzulh in thlennak i tinhmi kawltung cu mi vialte ṭhathnemnak caah, mi nih uk khawhmi kakip ṭhanchonak ca ah a zungzal in a si lam lai lo. (Ṭhathnemnak a pe mi a um bantukin ṭhathnemnak pek awk tlak tiangin a pe lomi zong a um).

Minung nih thlennak kha an duh cio ko nain, thlennak cheukhat cu Vawlei pumpi ca ah li minung tam-uak i zatlang nunning cang ca ah ṭih nung ral a si ahcun thinphan deuh a si.

Science (teikpan) fimnak a ṭhanchonak le minung ti khawhnak cungah mitchinh i, ningcang lo pi in lunghmuih i kan zumhmi chan hi kan lonh hnu ah minung phu hna chung i bu (chungkhat) cheukhat ah ruat in soisel tuaktan hnu ah cohlan i hmanmi phung kha rak hman cio a si.

Minung hna ah hin kokek pawngkam si ningcang kong, cu si ningcang kha zohkhenh kilven awk a herhnak kong, lung retheih thinphannak hna kha karh chinchin in kan hmuh. Cu lungre theihnak ah kan umnak Vawlei pumpi pawngkam i a cang liomi konglam hna ca ah thinphannak a um bantuk in lungtlin lonak a ummi zong kha kan hmuh.

Kanmah leikap in lung a nuamhter lomi thinphannak leiah a phanmi konglam a cheu kha pher tangah khuh loin, rianrang tein tuak chunnak ruah hnik cio dingah kan sawm hna.

Hi tin kan ruah tikah tinh dingmi kawltung cu thawngpang a konglam a tam khawh chungin hmuhnak, bia kherhlai duhnak lungthin kha daihter piaknak ca ah si loin, nihin Vawlei cung i a cang liomi a konglam hna kha kanmah pumpak nunnak ah kan tonmi harnak (piahtana) hna bangin thinlung ah a ṭhawngmi intuarnak in kan theih fian hnuah, hi thil sining karhchonnak caah kannih pakhat cio nih zeitindah rian kan ṭuan ve khawh lainak kong tuah ningcang kawl in hmuh khawhnak kha a si.