October 23, Thursday
📖📖 Luke 12:49-53📖📖
Jesuh: Ṭhennak A Chuahtertu
Nihin thawngṭha ah Jesuh cu a bia ah ralrin lo ngaiin a um, “Vawlei hi mei in khangh awkah ka ra i zeitluk in dah a kang cang sehlaw ka duh” tiah a ti. Zei kong dah a chim duhmi cu a si?
Jesuh nih vawlei mei in ka khangh lai tiah a chim tikah mi tampi kan khuaruah a har lai ti ka zumh. Jesuh nih zei bantuk mei dah a chim duhmi a si? Mei nih ceunak, lumnak, thianternak le thianhnak a pek ti cu kan theih dih bantukin; thir le a dangdang kha a nemter khawh. Mei cu innchungkhar thilri caah hman khawh a si, cu hna cu changreu chuannak, rawlchuannak, lumternak le a dangdang hna an si. Bible chan lioah mei cu Pathian umnak le vawleicung le a mi hna nunnak ah a tuahsernak he tahchunhnak in aa pehtlaimi a si. Tahchunhnak ah, Biakam Hlun ah, Pathian nih a umtuning kha mei in a langhter tawn, cu hna cu: Pathian nih Moses sinah bia a chim lioah a kang lomi thinghnah (Ex 3:2). Mei muisam cu Pathian sunparnak (Ezek 1:4, 13), a huhphenhtu a umnak (2Siangpahrang 6:17), a thianghlimnak (Deut. 4:24), a dingmi biaceihnak (Zekh 13:9), sualnak cungah a thinhunnak (Is 66:15-16) le a bia zong mei bantuk a si (J. 23:29). Biakam Thar zongah Thiang Thlarau huham cu mei he tahchunh a si (Maṭ. 3:11) i a ṭumnak cu mei bantukin holhtheihlo a langhnak in a langhter (Lam. 2:3).
Nihin thawngṭha nih Jesuh nih zeidah tuahter a kan duh taktak timi a kan chimh. Kan nunnak ah a dawtnak le a kan umpinak kha mei bantukin umter a kan duh. A dawtnak mei nih sualnak thurhnawmhnak vialte a kangh dih caah a si. A kan thianter i mithiang ah a kan ser. Cun dawtnak cu a fahnak le a thihnak ah a langmi a langhternak nganbik a si.
Jesuh i dawtnak le a umtuning cu hi theih lomi caṭialtu nih a dang dawtnak bantuk a si tiah a langhtermi he aa lo. Amah nih cun, “Hi bantuk dawtnak hi ka rak ngei bal lo. A dang dawtnak bantuk a si lo. Ka rak i ruahchanmi thil pakhat a si. Hawikomhnak, hnihchuak le thinlung he aa pehtlaimi dawtnak; a fekmi le aa ṭhen bal lomi pehtlaihnak. Na hnakhaw in na hnakhaw tiang a hnih tertu dawtnak; tihphannak zeihmanh um loin a nuammi dawtnak. Chunglei in lenglei tiang aa dawhmi dawtnak le miṭhli tlaknak, fahnak le lunghrinhnak a um lomi dawtnak. A nemmi le a hmaanmi thlarau he dawtnak le Nangmah lawnglawng ah ka hmuhmi dawtnak.”
Cun cucaah hi dawtnak le umpinak mei thawngin Jesuh nih biakinn a kal ko nain a rian a ṭuanlomi le a zoh sawhsawhmi hna in a tlingmi le a cawlcangmi Khrihfa ah thlen a kan duh, Pathian nawlngaihnak le Amah caah rianṭuan le vawleicung ah zultu sinak in Amah caah thih hmanh in Amah zulh le i zohchunh duhnak lungthin le lungtlinnak a ngeimi ah a kan thlen a duh. Cu lio caante ah, kan nunnak bawipa i a dawtnak, a ṭhatnak, a zawnruahnak le vawlei pumpi khamhnak caah hmuh khawhmi thilri ah ser ding a si.
Nawlngaihnak le tling tein aa pemi le a cawlcangmi Khrihfa si cu raffle (aungbali) ah lentecelhnak thilri a hmumi pa bantuk a si lo nain a nupi cungah a lung a tling lo. Fa panga a ngei. Inn a phak tikah, a fale kha a auh hna i an lak ah ahodah laksawng a ngeih awk a si tiah a hal hna. Ahodah nawlngai bik, nu sinah bia a leh bal lomi le a chimmi paoh a tuahtu cu ahodah a si tiah a hal hna. “Na tuah ko, ka pa!” Aw hmete panga nih an leh:
Hi kan nunnak ah Khrih dawtnak le umpinak thawngin Jesuh bantukin khua a ruatmi lungthin, Jesuh bantuk inrian a ṭuanmi kut, Jesuh bantukin dawtnak a ngeimi thinlung, Jesuh bantukin harnak a tongmi hna a hmu khomi mit, Jesuh bantukin bia a chim khomi kaa le Jesuh bantuk taktak in nunnak kan ngeih khawh nakhnga thlacam hna u sih.