World Mission Sunday (19.10.25)
Vawleicung Mission Sunday timi cu zeidah a si?
Kum fatin, October thla i avoi thumnak Zarhpi ni ah, vawleicung Catholic pawl nih Vawleicung Mission Zarhpi ni lawmhnak ah an i fonh—cucu 1,124 mission hmun hnaah Khrihfabu mission rianṭuannak caah thlacamnak, ruahnak le phaisa bawmhnak ni a si. Hi hna hi Khrihfabu a no rihmi, a ṭhangcho cuahmahmi le sifahnak, buainak, asiloah hremnak a tong tawnmi pengtlang hna an si.
Vawleicung Mission Zarhpi ni cu a voihnihnak ahlu laaknak lawng a si lo. Catholic Khrihfabu dihlak—parish kip, ram kip—nih Pontifical Mission Societies pali lakah pakhat a simi Zumhnak Karhternak Phu hmangin Khrihfabu missionary rianṭuannak caah thlacam le bawmhchanh awkah an i pumh caan Zarhpi ni pakhat a si.
Zumhnak karhternak caah Phu cu zeidah a si?
1822 ah mino nu zumtu sawhsawh, Blessed Pauline Jaricot nih a dirhmi, Zumhnak Karhternak Phu cu thlacamnak le zarh fatin pekchanhnak hmete in missionary pawl bawmhchanh awkah dirhmi a si. Pauline i hmuhnak cu a sawhsawhte a si: hawikom pawl kha zarhkhat ah tangka fangkhat pek dingin hal hna law vawleicung hmunkip ah Thawngṭha a phurtu hna caah nifatin thlacam hna ti a si.
Amah i icawn awk a tlakmi cu vawleicung pumpi Khrihfabu nih a cohlan. 1922 ah, Pope Pius XI nih Zumhnak Karhternak Phu cu Pontifical Mission Phu pakhat ah a ser, Pope zohkhenhnak tangah a chiah i vawleicung Khrihfabu rianṭuannak bawmhnak le dirkamhnak ah abiapi bikmi rian a pek.
Zumhnak karhternak phu i National Director hlun Venerable Archbishop Fulton J. Sheen nih a chim tawnmi cu, United States ah Khrihfabu cu phu i bawmhnak tel loin a ṭhangcho khawh tluk in a ṭhangcho kho bal hnga lo a ti. 1822 le 1908 karlak ah, American diocese pawl nih parish, sianginn le seminary saknak caah nihin tangka in $250 million tluk an hmuh.
Vawleicung Mission Zarhpi Hi Zeicah A Biapi?
World Mission Sunday cu Catholic i hawikomhnak le lungrualnak langhternak hmuh khawhmi a si. Khrih nih a kan fialmi rian nganpi: “Cucaah va kal u law miphun vialte kha ka zultu ah va ser hna u” (Matthai 28:19) kha lehrulhnak caanṭha a si.
Tuzarh Zarhpi ni ah khonmi tangka nih:
Seminarians le hmailei biaknak lei Sister le Brother hna dirhmun,
Catholic sianginn hna ah ngakchia fimcawnnak,
Hmun hlapi le rianṭuannak a tlawmmi hmun hna ah ngandamnak zohkhenhnak le pastoral zohkhenhnak,
Catechists le lay hruaitu hna cawnpiaknak,
Biakinnpi, biakinnte, sianginn le mission center saknak kong hna ah a dirpi.
Kan pek tikah, thawhlawm kan pek sawhsawh a silo—thlarau lei le missionary dawtnak tuahsernak ah kan i tel, Khrihfabu nih amah tein a dirpi khawh rih lonak hmun hna ah kan dirpi. Cun mission caah thla kan cam tikah, ahleiin Vawleicung Mission Thla chungah, vawleicung hmunzakip ah Khrih i ruahchannak a chuahpitu hna he kan i fonh.
Tukum ahhin Nicaea Ecumenical Council kum 1700 tlinnak le Zarhpi ni fatin chungkhar in kan phuanmi zumhnak phunglam sernak puai kan tuah lio ahhin, Khrihfabu i hmelchunhnak pali hna nih zeitindah missionary thazaang an ngeih timi hi kan ruah lo awk a ṭha lo.
Kannih cu pakhat kan si, vawleicung pumpi i a ummi kan unau hna he lungrual tein kan um; athiang, Khrih le thianhlimnak lam kha mi vialte sinah chuahpi aa zuammi; catholic, a sullam cu vawleicung pumpi ah a ummi le hmunkip ah mi vialte a duhmi; cun Lamkaltu hna cungah dirhmi lawng si loin a kokek ning tein missionary a si.
Missa ah thawngthanhnak — Vawleicung Mission Zarhpi ni
“Good morning, afternoon, evening”
Nihin ah, vawleicung pumpi i parish kip nih Canon Law i a fialmi vawleicung pumpi ahlu khonnak —Vawleicung Mission Zarhpi- caah an i fonh. Nihin ah na lungthin peknak nih Khrihfabu a nolio asiloah a harsatnak hmun 1,124 lengah Pope riantuannak kha a bawmh.
Tukum i tlangtar — “Miphun hna lakah Ruahchannak Missionary”—cu Thiang Thlarau nih kan lungthin chungah a kan thletmi Pathian dawtnak kha pumsa in langhter awkah auhnak a si (cf. Rom 5:5). Nihin i na pekchanhnak nih, lungdonghnak nih a uk tawnnak hmunah—biakinn saknak, seminarians le biaknaklei Sister le Brother hna dirhnak, ngandamnak zohkhenhnak siizung le Catholic sianginn hna thawngin ruahchannak a pek.
Nihin ah, vawleicung pumpi i parish kip nih Canon Law nih a fialmi vawleicung pumpi khonnak pakhat lawng—Vawleicung Mission Zarhpi caah an i fonh. Nihin ah na lungthin peknak nih Khrihfabu a no lio asiloah a harsatnak hmun 1,124 leng ah Pope rianṭuannak kha a bawmh.
Zumhnak, dawtnak le zaangfahnak he na ka leh caah kan i lawm. Pope Francis nih a kan chimh bantukin, “Hi vawlei cungah hin minung pakhat cio hi mission kan si” (Evangelii Gaudium, 273). Hmunkhatte ah, Khrih tonding sawmnak ah ahohmanh hrial an si lonak hnga zohkhenhnak in cu rianṭuannak ah kan i hrawm.
Nihin cu Vawleicung Mission Zarhpi ni a si. Mission caah thlacamnak le zaangfahnak in vawleicung pumpi Catholic pawl he kan i fonh. Nihin ah a pahnihnak khonmi nih vawleicung ah a derthawm bikmi hmun cheukhat ah Pope rianṭuannak kha a bawmh. Tukum tlangtar, ‘Miphun hna lakah Ruahchannak Missionary hna,’ nih kan thlacamnak le kan raithawinak nih muihnak chung ummi hna caah ceunak a chuahpi ti kha a kan theihter ṭhan. Na siannak le hi vawleicung mission rianṭuannak ah naa tel caah kan i lawm.”