1 September 2025

Bible : Luke 4:16-30

Nazareth khuami pawl nih an Hlawtnak

Nihin thawngṭha ah Jesuh cu Pathian bia hmangin a rianṭuannak hmunhma thanh awkah Nazareth ah a ra kir. Jesuh cu Sabbath ni paoh ah pumhnak inn ah biak awk le caan khatkhat ah cathiang rel le mipi sinah ruahnak cheuhnak pek cu a tuah ningkel a si. Thlarau le taksa in minung sifahnak zorter awkah ka ra tiah thawng a thanh. Cun a ngaingai ti ahcun mipi hmai ah a rianṭuannak ah kan hmuh: cuhna cu damternak, hnemhnak le ngaihthiamnak hna an si. Asinain amah khuami hna nih an rak hlawt. Atu tiang hmanh ah hlawtnak a tong rih.

A donghnak ah a hlawh a tling lai maw? Atu cu kan thonginn hna cu a hlan nakin an khat deuh cang lo maw, kan sizung hna cu sifahnak in a khat cang lo maw? Vawleicung ahhin hlan nakin sifah harnak a tam deuh cang lo maw? Jesuh hrimhrim nih fahnak fakpi a tuar a hau lo maw? Jesuh cu a donghnak ah a hlawh a tling lai maw ti kan hngal lo. Asinain Zig Ziglar nih a cauk, ‘Success for Dummies’ timi ah hlawhtlinnak kong a chimmi le a tahfung a chimmi kha zoh hna u sih. Cuhna cu a tanglei hna hi an si.

1. Hlawhtlin lonak cu minung si loin thil cangmi a si ti kha fiang tein na hngalhthiam tikah hlawhtlinnak na hmu; nizan cu nizan ah a dih i nihin cu ni thar a si.
2. Hlawhtlinnak (teinak) nih an ser lo ti le sunghnak (tlaunak) nih a hrawh lo ti na hngalh tikah hlawhtlinnak na hmu.
3. Na hlanlio he hawikomhnak na tuah, atu lio ah na lungthin na pek i na hmailei kong ruahchannak na ngeih tikah hlawhtlinnak na hmu.
4. Zumhnak, ruahchannak le dawtnak in na khah i thinhunnak, hakkauhnak, sualphawtnak, nahchuahnak le phuhrunnak ruahnak ngei loin na nun tikah hlawhtlinnak na hmu.
5. Lawmhternak tlaiter dingin na puitling tikah le na rianṭuannak ah na covo hna in lung na thlen tikah hlawhtlinnak na hmu.
6. Ziaza lei in ahmaanmi thil caah dir khawh lonak cu sualnak leiin ahmaan lomi thil nih a hremmi sinak a hramthawknak a si ti na hngalh tikah hlawhtlinnak na hmu.

7. Nangmah cu ahodah na si timi ah na him i cucaah na Sertu he daihnak le midang he hawikomhnak na ngeih tikah hlawhtlinnak na hmu.

8. Na ral pawl kha hawikom ah na ser hna i nangmah a hngal bikmi hna i dawtnak le upatnak na hmuh tikah hlawhtlinnak na hmu.

9. Midang nih nuamhnak an in pek khawh ti na hngalh tikah hlawhtlinnak na hmu nain lawmhnak taktak cu midang caah thil na tuah tikah a ra.

10. Ruahchannak a ngei lomi hna sinah na pek hna tikah, dawt awk tlak lomi hna kha na dawt hna tikah, cun a thin a hungmi hna sinah na lung a tling, mi ziaza ṭhalo hna sinah zaangfahnak na ngeih i sifakmi hna sinah zaangfahnak na ngeih tikah hlawhtlinnak na hmu.

11. Ngaihthiamnak he hnulei na zoh khawh tikah, hmailei ah ruahchannak he, zawnruahnak he na niam khawh tikah le lawmhnak he na zoh khawh tikah hlawhtlinnak na hmu.

12. A nganbik cu mi vialte sal si aa thimmi an si ti na hngalh tikah hlawhtlinnak na hmu.

13. Na pekmi taksa, thinlung le thlarau thilti khawhnak kha midang ṭhatnak caah na hngalh, na phuan, na ṭhanchoter i na hman tikah hlawhtlinnak na hmu.

14. Van le vawlei Sertu sal ṭha le zumhawktlak ka si ti na hngalh tikah hlawhtlinnak na hmu.

Khrih cu a hlawh a tling lai tiah na ruat maw? Keimah caah cun, hlawhtlinnak tahfung hna nih an chimmi nakin a tam deuh caah le kan i bawmhnak he zong hlawhtlinnak a hmuh lai ti cu ka zumh.