August 29, 2025 Friday
Bible ; Matt 25:1-13
Ngaknu Pahra Bianabia
Jesuh nih nihin thawngṭha ah kan cungah a tlung hrimhrim dingmi thil pahnih a simi vawlei donghnak le kan thihnak caah timhtuah le timhcia tein um zungzal a hau ti kha a kan theihter ṭhan.
William Barclay nih ngaknu pahra bianabia a hlathlainak kong a chimmi ka zoh tikah abiapi mi biatak pahnih a kan theihter:
Pakhatnak ah, a rannak in hmuhkhawh lomi thil cheukhat an um nain caan a rau. Tahchunhnak ah, camipuai caah cacawn asiloah a kan bawmtu hna cungah lawmhnak chim tikah caan a lak. Asiloah thil pakhatkhat kong hngalhnak ngeih kan duh ahcun, mah thil kong hngalhnak ngeih khawhnak dingah mi pakhatkhat kha halnak, relnak, hlathlai, le ruahṭhannak a hau.
Cun, zungzal nunnak ngeih kan duh ahcun, kan ngeih khawhnak ding caah lam pakhat kan kal a hau. Tahchunhnak ah nihin thawngṭha ah, Jesuh nih hngilh loin um asiloah ralring tein um dingin a kan ti. Ralring tein um cu, Bishop Soc Villegas nih a cauk, ‘Jesuh bantukin dawtnak’ timi ah a ṭialning ahcun, caan hmannak nakin a tam deuh a ti. Mi tampi nih cun ahmaanmi hmun, ahmaanmi caan cu a caan paoh ah an um caah ralring tein an um tiah kan ti lai. Mi cheukhat cu an van a chia tuk, zeicahtiah caanpaoh ah hmun diklo le caan diklo ah an um. Ralring tein um ti cu zoh cawngh menmen nakin a tam deuh. Ralring tein um cu mi pakhatkhat nih an kan zoh zongah zoh lo zongah thilṭha tuah zungzal kha a si; dantat kan si lai maw, laksawng pek kan si lai lo ti kha a si. Thilṭha kan tuah cu kan sining hi ṭhatnak tuah a si caah a si. Thilṭha kan tuah lo ahcun kanmah le kanmah kan i al, ti duhnak cu Pathian nih a kan ser hnuah kan ṭhatuk tiah a kan hmuh caah kan ṭha tinak a si.
A donghnak ah, cawi khawh lomi thil cheukhat an um. Midang sinin Pathian he pehtlaihnak kan cawi kho lo. Mi thianhlimnak kha kan cawi i kanmah ṭhathnemnak caah kan hmang kho lo. Pathian a ṭihmi nu asiloah pasal, chungkhar ah tlangbawi asiloah Sister pakhat ngeih hmanh cu a zalo tiah tlangbawi pakhat nih a chim. Zeidah kan tuah asiloah kanmah pumpak nih Pathian le midang he zeitindah kan i pehtlaih ti kha abiapi.
Mithiang Francis de Sales nih a Thlarau Diary (pp. 19-20) le 365 Days With The Lord 2007 nih a lakmi ah hitin a ti: “duhnak ṭha a ngeimi hna cungah a tlung khomi thil ṭhalobik cu an si khawh lomi si an duh i an si awk a simi cu si an duh lo. Anmah nih an i ruahchan bal lomi thil lianngan tuah an duh; culio ah, Pathian nih an kut ah a chiahmi thil hmetete kha zeiah an rel lo. Tahchunhnak ah, harnak hmete le kan innpa hna i an tlamtlin lonak hna kha tuar khawh a si…. ‘tangka’ tampi hmuhnak caanṭha a tlawmte lawng kan ngei, asinain hi ‘hlawh’ hmete hna hi fimkhur tein tawlrel thiamnak thawngin, mirum ah a cangmi tampi an um”.
Mithiang Paul zong nih “Pathian hruhnak cu minung fimnak nakin a fim deuh” tiah a ti. Cucaah, timhcia tein um cu a fim zungzal.