Suwon Sisters Caah Tuanbia ah A Hmasa Bikmi Biakamnak ah Myanmar Nu Pahnih An Nunnak An Pek

Suwon khuami St. Vincent de Paul Sisters of Charity nih Myanmar nungak no pahnih hna i an biakamnak hmasabik cu an lawmhpi hna i, ramchung i rammi hna caah abiapi tukmi thil pakhat a si.

Cu puai cu Yangon Insein Township i St. Peter and St. Paul Catholic Church ah 2025 August 6, zinglei suimilam 10:00 AM, Bawipa Muihmel Thlennak Puaini ah tuah a si.

Yangon Archdiocese i Auxiliary Bishop a simi His Excellency Bishop Noel Saw Naw Aye nih sunglawi taktak in Missa Raithawinak cu a hruai hna.

Bishop Noel Saw Naw Aye nih puai sullam thukpi a langhter.

“Hi cu khuaruahhar thil a si,” tiah a ti, mino hna biaknak nunnak ah hnuh khawhnak ding caah chanthar harnak hna kha a langhter.

Bishop Noel nih Sr. Maria Vincentia Naw Ni Ni Aung le Sr. Maria Louise Moe Thitza Oo hna cu “Bawipa sunparnak caah” an nunnak an pekchanhnak ah ahleiin ralṭhatnak an ngeih caah a thangṭhat hna.

Mawlamyaine Diocese i His Excellency Bishop Maurice Nyunt Wai nih Missa a bawmh i phung a chim.

Chunglei Ceunak Phungchimnak:

Bishop Maurice Nyunt Wai nih a phungchimnak ah, farnu hna i biakamnak le Thlennak Puai karlak ah a ṭhawngmi tahchunhnak a suai.

An “thlarau lei dawhnak” kong a chim tikah, an biakamnak cu an lungthin thuknak in a chuakmi a si i an hmai ah hmuhkhawh in a ceu ti kha a langhter.

“An thilthuam nih a dawhter hna lo,” tiah Bishop Maurice nih a ruah” asinain an lawmhnak nih an i hrukmi kha aa tlak i a dawhter. An chunglei nunnak thlennak nih an lenglei muisam a thlen… Unaunu hna cu Bawipa he an i naih deuhdeuh tikah an i dawh deuhdeuh i an ceu deuhdeuh.”

An chunglei thlennak cu Sinai tlang in a ceumi hmai he a rung ṭummi Moses he a tahchunh i, “Biaknaklei mi hna i dawhnak cu… an chunglei nunnak ah aa dawhnak ruangah a si… Lungthin chungin a chuakmi nih lungthin a tawngh. Biakamnak… lungthin chungah tuahmi… hmai ah a lang i minung thinlung a phan i pawngkam ah a karh,” tiah a donghnak ah a chim.

A thar in rian a ṭuanmi unaunu hna:

Sr. Maria Louise Moe Thitza Oo: September 20, 2003 ah Dant Thalon khua, Pyay Diocese ah a chuak i, unau pahnih lakah upa deuh a si.

A khualtlawnnak cu June 12, 2019 ah Sisters of Charity ah aa tel tikah aa thawk. August 22, 2022 ah postulancy ah a lut, cun August 22, 2023 ah novice ah a cang.

Sr. Maria Vincentia Naw Ni Ni Aung: Kayin ramkulh, Taungoo Diocese, Taung Pale khua in a chuakmi a si i, unau pasarih lakah a hniangbik a si.

March 15, 2019 ah Khrihfabu ah a lut, August 22, 2022 ah postulancy ah a lut, cun August 22, 2023 ah novitiate a thawk.

Kawlram ah Hramthawknak le Riantuannak:

Germany ram Paderborn khua ah 1841 ah dirhmi Sisters of Charity of St. Vincent de Paul cu 1965 kum ah Korea ram an rak phan.

Annih nih 2006 ah Myanmar ramah an rianṭuannak cu an dirh, “mi sifak, mizaw le sifakmi hna kha zaangfahnak lungthin he” rianṭuan dingin an charism kha an cohlan, “Sifakmi hna cu kan saya le kan Bawipa an si” timi biafang nih a hruai hna.

Yangon le a lenglei ah an rianṭuannak phunphun ah man loin siilei zohkhenhnak pek (a caan ah St. Vincent i Sizung, Korea, le khuachung phu pawl he i bawm in), cawnnak hmun pawl hruai, rawl, hnipuan le sianginn thilri phawtzamh, ngaktah le kaltakmi nu pawl zohkhenh, thongtla le sehzung rianṭuantu pawl tlawn, le mino hna lamhruainak pek tibantuk hna an i tel.

Cun, a derthawmmi ngakchia le zatlangphu hna sinah thianhlimnak le ngandamnak kong he pehtlaiin abiapi tukmi fimcawnnak zong an pek hna.

Sr. Maria Vincentia le Sr. Maria Louise hna i an bikamnak hmasabik hecun Myanmar ram Khrihfabu ah a chuakmi Sister hna hi hleinga an si cang.

USA, Korea, Bangladesh le Philippines ah rian a ṭuanmi Sisters of Charity hawikom hna he an i fonh i, a herh bikmi hna caah rianṭuannak ah an nunnak thawk dingin timhcia an si.

RVA Sgaw Karen nih a tialmi