Uico kha a thiangmi thil kha va pe hna hlah u!

“Lamkaltu Pahleihnih Cawnpiaknak” timi hlanlio cauk chungin.

Eucharist (Bawipa Thisa)

Eucharist cu a tanglei bantukin tuah:

Hrai cungah hitin chim: “Ka Pa, na salpa David i mitsur ruang thiang caah kan in lawmh, cucu na salpa Jesuh thawngin na kan hngalhter, nangmah cu zungzal in sunparnak si ko seh.”

Changreu kiomi cungah hitin chim: “Ka Pa, na salpa Jesuh thawngin kan sinah na phuanmi nunnak le hngalhnak caah kan in lawmh. Nangmah cu zungzal in sunparnak si ko seh. Tlangcung i aa ṭhekmi changreu kio cu pumh a si i pakhat ah a cang bantukin, na Khrihfabu zong vawlei dongh in na pennak chungah pumh si ko seh.

Bawipa min in tipil a ing cangmi dah tilo cu na Eucharist (Bawipa Thisa) kha ahohmanh eiter hna hlah. Zeicatiah Bawipa bia cu hika zongah a hmaan: Uico kha a thiangmi thil kha va pe hna hlah u.

Rawl na eidih tikah hitin lawmhnak bia chim: “A thiangmi ka Pa, kan lung chungah na khumhmi na min ruangah kan in lawmh, na sal Jesuh thawngin hngalhnak le zumhnak le thih khawhlonak na kan hmuhsak caah kan in lawmh. A zungzal in nangmah cu sunparnak co ko seh, Lianngan Bik Bawi, na min ruangah zeizong vialte kha na ser hna i minung nih rawl an ei khawhnak hnga le an din khawhnak hnga caah; lawmhnak bia kan chim. Atu cu na salpa Jesuh thawngin thlarau rawl le dinawk le zungzal nunnak in kan in lawmh.

“Bawipa, na Khrihfabu kha philh hlah law ṭhatlonak vialte chungin luatter ko, na dawtnak in a tlingmi siter ko, thianter a sicang tikah thlili li in a ca i na timhmi pennak chungah pumh hna, zeitintiah ṭhawnnak le sunparnak cu zungzal in nangmah ta an si.

“Velngeihnak cu tlung sehlaw hi vawlei hi a liam ko seh, David Pathian, Pathian cu thangṭhat ko seh, a thiangmi a simi cu ra ko seh, a thiangmi a si lomi cu i ngaichih seh, Maranatha Amen.”

Bawipa ni ah, hmunkhat ah nan i pumh tikah, changreu cheu u law Eucharist tuah u. Sihmanhsehlaw na raithawinak cu a thiang nakhnga na sualnak kha phuan hmasa. Pakhatkhat nih a innpa he an i remlo ahcun, cu pa cu a rem hlantiang nan sin i ṭinawk a si lo. Na raithawinak cu a thurhnawmh awk a si lo. Hi kong he pehtlaiin Bawipa nih hitin a ti: Hmunkip le caankip ah raithawinak thiang kha ka pe u. Kei cu siangpahrang lianngan ka si, miphun hna lakah ka min a thang, tiah Bawipa nih a ti.

Lehnak

Thluachuah kan pekmi hrai cu Khrih thisen kan i hrawm a si lo maw? Kan cheumi changreu cu Khrih pum he kan i hrawm a si lo maw?

Changreu cu pakhat lawng a si caah kannih cu kan dihlak in pumkhat kan si, zeicahtiah changreu pakhat kha kan i hrawm dih. Kan cheumi changreu cu Khrih pum he kan i hrawm a si lo maw?