January 16, 2025 caah ruahnak cheuhnak

1. Thiang Thlarau nih, Hebru cakuat ah a kan chimhmi cu, “NIHIN ahhin amah bia nan ngaih ahcun!” a ti.

Hi ralrin peknak cu a hmasa Judah Khrihfa hna sinah a ṭhawngmi cakuat a hmumi hna ca lawngah a si lo, kanmah pumpak cio caah zong a si.

Nizan i thlacamnak, Nizan i zumhnak kan phuannak, Nizan i Jesuh Khrih hnu zulh ding le kan nunnak dihlak Amah caah nun ding timi biakhiahnak cu nihin caah a za lo. Zumhnak nung le theipar a tlaimi Khrihfa zultu sinak nih nifatin biakhiahnak tuah a herh.

Cakuat ṭialtu nih, thimmi miphun hna nih Pathian sinah an “lungthin” an hak caah kum sawmli chung thetse ram ah an vakmi kong kha tahchunhnak a kan pek.

Bible sullam in “lungthin” timi cu Catholic Catechism nih “kan pumpak sining ziaza ṭhutnak” tiah a timi kha a si (CCC #2517). Bawipa nawl ngaih ding, amah hnu zulh ding, i thimnak kan tuahnak hmun a si. “Lungthin thianh” dingin kawh kan si. Cun, cakuat nih a chim bantukin “sualnak lemsoinak nih kan lungthin kha hakter hlah seh” a ti.

Zeitindah kan um?

 2. Salm caṭialtu David nih hi bia hna ah mah ruahnak cheuhnak kha a langhter.

“Nihin ah a bia nan rak ngai ahcun! a ti.

Nan pupa hna nih an ka doh i an ka hneksak i zeidah ka tuah khawh ti kha an hmuh tikah, Meribah i thetse ram i Massah i an rak tuah bantuk khan nan lung kha hak hlah u,” tiah a ti hna.

Catholic ziaza cawnpiaknak hrampi ah ziaza cawnpiaknak cu a hrampi hmuhnak a si, kan thimnak nih kan pawngkam vawlei lawng siloin a kan thlen ve. Phundang in kan chim ahcun kan i thimmi ah kan cang.

Bawipa le a Pennak kan i thim hmasa maw?

3.Jesuh nih thinghmui pa a damter. Zalong tein umter a duh. Hihi taksa lei he pehtlaimi khuaruahhar thil a si, Jesuh i vawlei cungah mission rian a tuannak thawngin Pathian pennak luhnak hmelchunhnak a si. Asinain tahchunhnak zong a si. Khrihfabu hmasa hna nih sualnak cu thlarau thinghmui zawtnak phunkhat, kan thlarau a hrawhtu ah an rak hmuh.

Nyssa khuami Mithiang Gregory nih kan thimnak kong he pehtlaiin Paul II nih lungtlinnak he a lakmi hlanlio phungchimnak kha nun ziaza ttha timi masterful encyclical cakuat chungah ah a kan pek, cu cakuat cu Veritatis Splendor timi a si i Mirang holh in Biatak Sunparnak tinak a si.

Catholic Khrihfabu Catechism (Pathian biacawnnak) chung i Nunnak Ziaza timi ṭhen ah langhter a si:

Atu cu minung nunnak cu aa thleng lengmang; a thar in hrin a herh. Asinain hika ah hin hrinnak cu ramdangmi hnahnawhnak in a chuakmi a si lo, thilnung pumsa hna he aa pehtlaimi bantukin; zalong tein thimnak nih a chuahpimi a si. Cucaah, kannih cu, a sullam pakhatkhat ah, kanmah hrimrim i nulepa kan si, “kan biakhiahnak thawngin kanmah le kanmah kan i sersiam”.

Kan i thimmi nih ahodah kan si lai ti kha a khiah.

A ttha mi thimnak nih thimtu kha a thlen, ziaza ttha lam ah kal khawhnak nawl a pek i Khrihfa ziaza a thanchotermi habitus – asiloah Habits (ziaza) hna – kha a ṭhanchoter.

Catholic Khrihfabu Catechism nih minung thimnak, tuahsernak le zalonnak kong a chim: “Mi pakhat nih thiltha a tuah deuhdeuh tikah a luat deuhdeuh. A ttha mi le a dingmi thil riantuannak dah tilo cun zalonnak taktak a umlo. Nawl ngaihlonak le thatlonak tuah cu zalonnak ningcang loin hman a si i “sualnak sal sinak” ah a hruai (Cf. Rom 6:17) (CCC#1733)

NIHIN ah Bawipa kan i thim cang maw?