Pathian dawtnak theihterhna ve dingin

Reflection on Luke 14:12-14 (November 4, 2024)

Sabbath ni ah Jesuh cu nawlngeitu Farasi pa nih a inn ah rawl ei dingin a sawm. Jesuh nih a
sawmnak kha a cohlan. Rawl an ei tti lio ah, Jesuh cu inntek a simi Farasi pe he bia an i ruah.
Jesuh nih; “Rawl danhnak na tuah tikah, misifak, kutzeng, kezeng le mitcaw kha va sawm
hna law annih nih an in cham khawh lai lo caah thluachuahnak nah mu lai. Mittha mi kha
thihnak in an thawh tthan tikah Pathian nih an cham lai” tiah a ti. A cham kho tthan kho hna
lomi kha na sawm hna ah cun thluachuah na hmu lai tiah bia a kamh kha a si. Mipa nih
zeitindah a leh hnga ti ka ruat. Thawngtha nih a chim lo.

Nihin ah Jesuh nih kan lak i a niam bikmi hna kha cohlaan hna dingin a kan sawm. Khuazei
kan um hmanh ah kan lak ah sifak kan ngei hna. Kan lak i mi sifak hna hi chawva lei in an
chambau men lai lo. Inn dawh, hlawh ttha le nunnak ttha a ngeimi an si kho men, asinain a
biapi mi lam “Pathian dawtnak le theih hngalhnak” ah a si a fak taktak mi an si kho.

Kan zalonnak hmun lawngah um loin sifakmi hna kha kan sinah “Pathian dawtnak theihter
hna ve dingin” sawm kan duh hna maw? An caah ka innka le ka lungthin ka hunpiak hna lai
maw? Hi tin tuah dingah timhcia kan si lo ahcun, nihin Jesuh nih kan lungthin a kan hunpiak i
a niam bikmi sawm khawhnak zangfahnak le ralthatnak run kan pe ko tiin hal ve ding kan si.
Hiti kan tuah ahcun laksawng nganpi pek kan si ko lai.