VAWLEI HI HRING LE HNING IN A UMLAI

VAWLEI LE KOKEK PAWNGKAM ZOHKHENHNAK HE PEHTLAI IN POPE FRANCIS CHUAHMI CATHLUAN

2015, May thla ni 24

          Biahmai`hi

1. Kan Bawipa asimi Bawipa Pathian min kha thang`hat siko seh (Praise to you my Lord) timi aa dawh `ihzah asimi hla in kannih vialte hmunkhat in kan umnak hrawmmi inn asimi vawlei hi kannih he hmunkhat tein a um`i mi kan far he aa lawh bantukin kannih kha a kut in a kan cawimi kan dawtmi kan nu he aa lawhnak kong kha Assisi khuami St. Francis nih kan sinah ralring a kan pek.

            Kannih kha a nung in kan um khawhnak hnga a kan bawmhchanh i a kan uk hnuah kan herhmi eiawk thlai rawl phunphun, aa dawhmi muici phuntling pangpar hna le si-ai caah a`ha mi thingkung phunphun a khohter mi kan far le kan nu vawlei thawngin kan Bawipa asimi Pathian a min kha thang`hat siko seh (St. Francis i nunnak ngei dihlak thang`hatnak hla).

2. Pathian cu vawlei kha a `amhmawih piakmi a`ha aa dawhmi hna kha kannih `uanvo hngalh loin kan hmaan palhnak hna ruangah a chuakmi `ihnung ral hna mah nu (vawleipi) cungah tlakter ruangah, cu kan farhniang cu kan sinah aihram in a `ap. Kannih cu kan um kha mah nu cungah kan duhpaoh in kan tuah, kan sersat i, teithlak ngaiin hrawhnak nawl a ngeimi, bawi hna bantuk kan i ruah in mah nu cungah kan tuahto men ko.

            Sualhram dantatnak ruangah kan hmuhmi dantatnak hma hna ruangah, minung thinlung ah a hungchuak mi `hihphaih duhnak lungthin cu vawlei nawn rawhnak, dinti, thlitu le a nungmi thilnung phuntling nih an tawnlio mi rawhnak hna ah zawtnak hmelchunhnak in an lang.

            Cucaah vawleipi cu a teikhawh lomi phurritpi kha a phorh i, hrawhnak hna kha a in caah, mah nu cu tambik hlawt a ing i sersatnak a inglio mi hna sifak harsami hna chungah a tlak kha mah nu nih a thin a hung.

            Kannih pumpak hrimhrim hi leidip in ser kan si i (Gen. 2:7) kan takpum cu vawlei cung i chemical thilri hna in ser kan si hnuah vawleicung i thli kha kan dop i kan nung kan umcio i, vawlei in a ra chuakmi tiin thianghlim hring`hannak kan hmuhmi kha kan philh tawn.

MAH HE AA PEHTLAILO TIN LUNGPUT NGEIHAWK ASILO

3. A luancia kum (50) lonh (1962 kum ahkhan, America ram, Russia le Cuba hnahnawhnak ruangah)vawleipi hi nuclear raldohnak a chuak dengmi `ihnung ral he a rak tonlioah mi thianghlim Pope John-(23) nak nih a rak thanhmi ‘vawlei cungah diahnak umko seh’ (Peace on Earth) timi cathluan ah raltuknak a hnon i daihnak caah remnak tuahnak hna kha a langhter.

            Pope John (23) nak nih cu cathluan in vawlei pumpi um Catholic Khrihfa vialte ca lawng siloin, lungthin `ha a ngeimi miphun vialte, biaknak kipin nu, pa minung dihlak caah ruahchanh in cathluan a `ialmi kha asi.

            Atulio caan ahcun vawlei cung pumpi kokek pawngkam thil sining hna rawhralnak kha zapi nih kan tonlioah nica, van le vawlei dihlak in vawlei pumpi cungah i dor in a ummi pakhat cio caah ruahchan in hi cathluan in ralring peknak bia a chimmi asi.

            Keimah ka rak chuahmi Thawng`habia in kan hmuhmi lunglawmh nunnuamhnak (The joy of the Gospel) cathluan (2012) ah biaknak lei rian`uannak hna kha zohfel `han i chanthar chankhat caah a `hami ningcang hna in biaknak lei rian`uannak hna kha `uanchuah cio dingin Khrihfa Bupi hmun in Khrihfa chungtel dihlak kha kan forhfial hna.

            Hi cathluan tu ahcun kannih vialte i hrawmmi inn asimi vawleipi nih a tonlio mi thil sining le pehtlaihin miphun kip, biaknak kipin minung vialte he ceihkhang khuakhang `i duh ruangah ka `ialmi asi.

4. 1971 kum ah (rian`uannak hmun i aherh lomi thil umtuning hna kha remh dingin halnak, Pope Leo nih a rak chuahmi cathluan kum (8) a tlin tikah a sungmi (Blessed) Pope Paul VI cu minung pawngkam rawhralnak kong a thin a phang i minung nih kilvennak umlo kokek pawngkam cung i tuahtonak hna ruangah a chiahrutuk mi a hnuzulh `hathnem lonak hna he a ton khawhmi asi kha hitin a rak chim.

            Mihna cu kokek vawlei chungchuak thilri hna kha a palhmi tinhnak hna in mah ca `hathnemnak caah a miak lakding menmen in an i ruahchan i, soksam in an hrawkcio caah kokek pawngkam a rawk i mi zate cu a hnuzulh a rawkmi kokek pawngkam umtuning ral nih tlaih i hremmi bantuk asi khomi `ihnung ral he an i ton (Pope Paul VI).

            Cun Pope Paul VI cu UNO in (Edin lei le thlaicinnak rian- Food and Agriculture Organization of United Nation) he pehtlaih mi phu i meeting pakhat i (cu heahat mi biafang kha arak hmang i) bia a chimnak ah seh lei rian`uannak hna hrambunh i zatlang nunning zulhpuhug upadi ruangah a chak kho mi koke pawngkam hliam in a rawk kho mi `hning ral he a ton awk asi i minung nih an `uan an tuahmi hna ah a hram in rianrang te thlennak a herh tiah biapi ah chiah in ralrin peknak a rak chim.

Science he pehtlaimi chan he tlaak`han karhchonak thiehhngalh fimnak, thiamnak, zatlang nunphung he pehtlaimi nunning ziaza he pehtlaimi, peng le ram hna zongah `hanchonak hna he khahchunh in `hanchonak a um lo ahcun, cuhna cu minung kha aralchanh i nikhatkhat ahcun minug kha harnak a pek khawh (Pope Paul VI).

5. Mi thianghlim Pope John Paul II cu kokek pawngkam maan cikcek in a rawhdihnak ruangah a thin a rak phang chinchin. Amah nih hmasabik a rak chuahmi cathluan (Mi khamtu- Redeemer of men) ah minung hna cu a caancaan tibantukin mah i kokek pawngkam cu mi hna i tulio `hathemnak ca lawng san a tlai i, adang zeiahhmanh san a tlailo, tiah an ruah i an sawksam cio bantukin asinak kong kha ruahawk ngai asi.

            Cucaah a hnuzultu a va siah cun Pope kan pa cu kokek pawngkam cungah ruahnak kha thlen a hau tiah a rak chim. Cu caante ahcun miung leikap he pehtlaimi, adikmi pawngkam zohkhenhnak a chuahnak hnga minung nih tuah `uanmi ram hna kha zohkhenh piaknak caah `uanmi rian hna cu a tlawmtuk hringhran tiah a langhter. Minung pawngkam a rawhnak cu abiapi tukin chiah dingmi thil asi. Zeicah kan tiah cun Pathian nih mipa, minu hna kha hi vawlei zohkhenh dingin `uanvo a rak pek hna hleiah, minung hna i nun ningcang cu thil sining `hatlonak a phunphun in khamh zohkhenh dingmi laksawng asi. Kokek pawngkam kha khamh zohkhenh kilvennakk le si ningcang `hanchonak caah rian`uannak ah minung `hutdir khuasak tintuh, zuar dingin chuhter mi thil chuahnak, hmannak nincang le ram uknak aana upad hna zon ha tampi tlenrak hau te lai.

            Minung hna i kenkip `hanchonak ah nunning ziaza leikap kha philh awk an `ha lailo. Mi hna a `hanchonak he pehtlaimi riankip ah minung huham kha tlin cikcek in upat a herh i, kan pwngkam i vawleipi zong kha ruachih ahau ve hnuah thilnung paoh kokek an nunning kong, ningcang tein sermi hi vawlei cungah pakhat le pakhat pehtlai tein pehtlaihnak hna zong ruahchih dingasi ve.

            Vawlei umtuning thlen duhnak in minung nih tuah rian`uannak hna cu Pathian cu vawlei cung i a ummi thil zeizong vialte kha mi vialte ca i laksawng ah a kan pekmi tinhnak he aa khat awk asi.

6. Kannih hlandeuh ah Catholic Bupi kha a rak uktu, Pope Benedict XVI kan bawipa nih ruahnak a rak chuahmi cu palhmi phung `hatlo cungah hram a bunhmi phungning lomi `hanchonak phung zapi kha hlonhdih i, kokek pawngkam sining a`hatnak kha upatnak aamahkhan a pek khawh lomi kha a theihmi sipuazi `hanchonak pungsan hna zong kha remh le fehter a herh. Pope nih a langhter mi cu vawleipi kong `hencheu dih in, cekhlatnak ah zohnak kikhat lawngin biachah awk asilo. Kokek vawlei cu `hencheu dih cikcek khawh asilo i pakhatte lawngin aa funtom mi asicaah, cu ahcun kan pawngkam, a ning in umnak, nu/pa he pehtlaimi, innchungkhar he pehtlaimi, zatlang nunphung he pehtlaimi tiin a dal dihlak aa tel. Cucaah a hnuzul ah kokek pawngkam rawhralnak cu minung le thilnung vialte hmunkhat tein daitein kutsih um`inak caah muisam a cuanter mi zatlang nunphung he zong naih tein pehtlaihnak a ngei (Benedict 16).

            Pope Benedict kan bawipa sung nih minung nih `uanvo tlolh in tuah rian`uannak ruangah kokek pawngkam cu tampi hliam in a rawk timi kha fehter dingin a rak hal. Minung i zatlang nunphung lei pawngkam thil sining hna zong an rawk. Hi rawhnak a phunhnih ningtein i hrawm in biangeitu (sualtuahtu) cu a chiahru ngaimi phung (upadi) pakhatte ruangah asi. Cucu tuchan mi hna nih tuahsernak hna lamhmuhsaktu, mikip nih el khawh lomi (Pathian pekmi) ahmaan mi a um ti kha cohlan duhlonak le mi hna pumpak zalonnak kha zohkhenh uktu ngeilo, rikhiahnak umloin an thang`hat cionak ruangah asi. Minung cu mah caah tiin mah nih sermi zalonnak pakhatte lawng kha biapi ah chiah awk asilonak kong an philh tawn. Minung kan takpum hi kanmah nih kan i sermi asilo. Minung ah nunnak thlarau le thinlung a um bantukin minung kokek zong kha a ngeimi kan si.

            Pope kan bawipa sung nih Pa pakhat lung retheihnak ruangah Pathian sermi hi vawlei nih a tonmi `ihnung ral hna kha kannih nih theih`han awk ah hitin a rak forhfial. “Vawlei i van (vanchiat `hatnak) kha kannih pumpak nih teithlaktu kan si i zeizongte hi kanmah ukmi thil an si hna i, kannih dihlak cu zeizongte kha kan ca `hathnemnak lawngah kan hman. Kannih cu minung nakin a sangdeuh mi (Pathian) a um timi kha fehter duhlo in, mah pum hleiin zei thildang hmanh kan hmuh khawh lo caan thawkin Pathian nih a sermi thilnung vialte hna kha hmanpalhnak tuah hram kan rak thawk”.

THINPHAN THLALAUNAK PAKHATTE RUANGAH AN LUNG A RAK I RUALNAK

7. Pope sung nih a chimmi cu teikpan lei thiamsang tampi hna, khuaruahnak lei thiamsang hna, biaknak lei pengchung i Bible thiamsang hna, zatlang nunphung rian`uannak, rampi nawlngeihtu phu in upa hna i thinphan lung retheihnak hna kha hnuleiah cerhnak asi. Hi phu hna i chimhnak le ruahnak pekmi hna cu hi dawl he pehtlaimi Bupi i ruahdamhnak hna kha a tlinter khun.

            Catholic Bupi lenglei a ummi unau Khrihfa bu hna, a phu hna le adang biaknak lei bukip in biaknak lei phu hna zong nih kokek pawngkam he pehtlaihin thinphan lung retheihnak hna kha a chim langhter hleiah, mi vialte caah thinphang dailo asimi hi kong he pehtlaihin mansung ruahnak `ha, thluak `ha hna kha a langhter. Tahchunhnak pakhat ah ka langhter asi ahcun Khrihfa biaknak bu chungin aa thleidan mi Khrihfa bu hna hmunkhatin lungrual tein kan i funtom `han khawhnak caah aa zuamlio mi kan upat kan dawtmi Orthodox Khrihfa bu in bishop Bartholomeo thanhmi kha langhter ka duh.

8. Orthodox Bishop Bartholomeo nih a chimnak ah, kannih pakhat cio cu vawleipi a rawhter mi tuahsernak vialte caah sual ngaihchihnak tuah a herh. Aruangcu kokek pawngkam rawhralnak caah kannih kan `uan, kan tuahsernak cu a tlawm asi zongah, atam a va si zongah, Pathian sermi thil, thilnung vialte hna kha muichiatter dingin kan hrawhnak ruangah kannih nih `uanvo kan ngeihnak kong kha fehter cio dingah a rak kan sawm. Bishop nih Pathian sermi thilnung hna cungah kan palhsual mi sualnak hna kha cohlan cio dingin nemte lemsoinak in phunkhat, kannih kha zuamcawhnak in phunkhat, a tanglei bangin atu le atu fektein ralring peknak bia a chim tawn.

            Minung caah Pathian nih a sermi nunnak ngei phuntampi rawhral ternak a rawk rihlo. Amah ning tein a ummi kokek vawlei kha khuacaan thlennak hna siternak tiangin umtu ningcang chiatternak, kokek tupi hna lohtlau ternak, vawleicung um ti hna, nawn hna, thlitu hna thurhnom ternak le cu hnaah aa dormi nunnak ngei thilnung vialte hna kha rawhral ternak cu a`ha lomi sualnak tuah asi. Vawlei i kokek pawngkam cungah sualnak tuah cu kannih a kan ralchanhmi thil`halo sualtuah asi bantukin Pathian kha fakpiin a khonden mi sual `halonak tuah zong asi.

9. Caankhatte chungah, Bishop Bartholomeo cu kokek pawngkam he pehtlaimi harnak fianternak caah biaknak, Thlarau lei he pehtlai mi le nunning ziaza he pehtlaimi a hrampi hna zong kha telhchih in ruah awk a herhnak kong a rak langhter rih. Kokek pawngkam he pehtlaimi harnak fianternak ah teikpan lei fimnak in a sullam kawl asi bangin, minung thinlung put remh thlennak cung zongah aa hngatmi asi. Hibantuk kakip in fianternak kha kawl asilo ahcun kannih cu zawtnak hmelchunhnak lawnglawng kha ruahchih mi phun ah a tla lai. Bishop nih a kan cawnpiak mi biaknak lei cawnpiaknak chungin fianternak ah ningcang loin hmannak kha suum le semrelnak in ai rawlh dingah hakkauhnak kha siang ngaiin ahlu peknak in, sawksamnak kha midang hna he `hencheuhnak lungthin hna in ai rawlh cio ding, biaknak lei zuamnak in sual `hatlonak hna hrawhnak ah a sunghpek mi nakin ahlu peknak in ai rawlh thiamnak kha kawl le cawn aherhnak kong a rak chim.  Hi tuah ningcang cu dawtnak tuah ningcang asi i, duhfah hakkauhnak lungthin ruangah kan duhherh mi lam in lam hlapi ah kan kal lai i, Pathian sermi hi vawlei duhnak leiah cawlcangh in kan kal lai. Hi tuah ningcang cu `ihnak lungthin, hakkauhnak lungthin le thazaang hmang i namchihnak hna in fakpi, i zuam in luatnak ningcang asi.

            Kannih Khrihfa asimi hna cu hi vawlei kha minung vialte funtomnak in umnak hmelchunhnak asi tiah kan cohlang i, Pathian le mi vialte vawleicung huapin hmunkhatte ah `hencheuh hman`i in kan umnak hmun asi tiin kan cohlan awk asi. Zung`hit ngeihlo mi angkifual he aa lomi Pathian sermi vawlei ahhin kannih kan umnak vawlei i ahnubik leidip cung hmanhah Pathian le minung , i tonnak hmun asi kha tangdor tein kan theih ding asi.