I Ruat Velaw I Hal Hmanh

Reflection on For Friday (Luke 12:54-59)

Nihin ah Jesuh nih hitin a ti: “Nitlaklei ah khuadawm a hung chuah kha nan hmuh tikah a rauhhlan ah ruah a sur lai ti kha nan hngalh.”  Kan no lio tein, kan dihlak in khuacaan kongah ralring tein um le fimkhur tein um kan thiam.  Tulio hrawng cu zingka ka thawh tikah ka tuah tawnmi pakhat cu khuacaan zeidah a lawh ti zoh awkah thlalangawng in lenglei zoh kha a si.  Cun ka thilthuam ka hruk tikah, khuacaan chimnak kha ka ngai.  Cu nih nikhat caah aa tlakmi thilthuam hruk ning kong chimchungnak nih a ka chimh.

Sihmanhsehlaw, nihin thawngṭhabia chungah, Jesuh cu a phungchimmi ngaih awkah aa pummi mibu cungah a lung a ṭhatlonak kha kan hmuh khawh.  An caan caanlio i caan kha zeitindah kan leh lai ti an hngalh lo caah a lung a ṭha lo. Jesuh nih hitin a hal hna tikah a lungṭhat lonak le a lungfahnak kha a langhter: “Zeicahdah a hmaanmi thil kha nanmah tein nan ruah lo?”

Jesuh nih biaceihnak tahchunhak a hman kha kan hmuh.  Biaceihtu sin phak hlanah, buaibainak hna kha tawlrel i zuam cu fim a si timi cu teih cio a si.  Biaceihtu hmai ah chuah a si ahcun, sualphawtu nih biaceihtu sinah ap ding timi cu a fiang.  Cu tikah biaceihtu nih palik sinah pek a si lai.  Cun sual puhtu kha leiba vialte cham dih hlan tiang thong ah thlak zong a si kho.

Jesuh nih kan nunnak ah ralring tein umter a kan duh.  Kan hmuhmi hmelchunhnak cheukhat cu Pathian sinin a rami an si.  Kan nunnak ah a ummi hna sin in (chungkhar, hawikom le pawngkam mi hna) hmelchunhnak dang a um kho.  Cun kan nunnak le kan vawlei ah buainak le fahnak hna chungin kan hmuh khawhmi hmelchunhnak hna zong tampi an um kho. 

I ruat ve law i hal hmanh. Atu kan caan hi zeibantuk caan dah a si?  Zei rel loin na um maw?  Asiloah sullam ngeihter naa zuam maw?  Kan ton cuahmah mi hi vawlei cungah nifatin thahnawnnak, ralhrang, rawlṭam asiloah sifahnak lakah thil ṭha tuah aa zuammi, mi tampi hna caah thla na cam maw?  Asiloah, fahnak le harnak hna kha zei rel loin um awkah tukforh na si maw?  Nihin kan vawlei pi ah dawtnak, zohkhenhnak le pakhat le pakhat caah thlacam piaknak a herh.  Lungthin tak tein i peknak, i zohkhenhnak hna kan ngeih lo a si ahcun, “Nikhat” ah biaceih kan si kho!