A Hmaanmi Khrihfa hna cu an Ral a Ṭha

Nihin kan relmi thangṭhabia chung i, “ralring tein hngah timi ruahchannak a ngeimi tuahsernak” kha biapi ah chiah ka duh. Jesuh nih a zultu hna kha an bawipa nupi ṭhitnak puai in a rat ṭhan tikah an meiinn ceu in timhcia tein um awkah a cawnpiak hna. Hi cawnpiak nak nih Khrihfa hna cu daihnak le fahnak caan zongah dinh loin an zumhnak ah cawlcang le ralring tein um zungzal ding kha a langhter. Thawngṭhabia ah, kan Bawipa a rat hlan tiang aa hngilh lomi sal hna bantuk si dingin a kan forh.

Nifatin kan nun sullam hi thiltha tuahnak in Pathian riantuan khawhnak caantha. “Caanthar” hna an si timi he philh lo ding a si. Jesuh nih a kan khamh cang ko nain, a thawnnak tlamtling in a rat tthan lainak le a sunparnak he a langh lainak kha a hngak mi kan si. Khrihfa hna cu fawi tein lung a dong kho mi dirhmuh ah si loin lung sau tein tuar khawhnak ngeih khawh ding caah sermi kan si. Zan a mui deuhdeuh, khuadei a nai deuhdeuh bantukin dawtnak nih a phah khawh lomi thil sining zeihmanh a um lo.

 Jesuh Khrih a ra tthan lai timi zumhnak kha fek tein i tlaih, zumh i cu nih cun kan nunnak ah harnak kan ton mi hna kha lungdong lo tein intuar khawhnak thazaang a kan pek lai. Dawtnak cungah sakmi inn chungin leng kan zoh bantuk in zumhnak le ruahchannak he Jesuh kan ton lai ni kha cuanh zungzal a si ko. Pathian zohkhenhnak le lamhruai nak in hmailei kha kan cuanh i kan i ruahchannak kha kan tthawnter zungzal a herh. Pathian cu kan caah a lung a dong bal lo. A sermi minung vialte khamhnak kan hmuh ding le kan cohlaan ding kha a duh zungzal ko. Khrihfa hna cu vawlei cung kan um lio ah ralring tein le dawtnak kan ngeihmi kha tuahser nak in langhter in “Kawh” mi kan si.

 Zeicah tiah kan i ruahchan mi cu Pathian a si caah a si. “Remdaihnak sertu si ding” timi cu harnak a tongmi hna nih daihnak an hmuh khawh nak hnga tawlrel piak thiam ding le mah zawn lawng ruahnak ngeih lo ding timi kha a si tawn. Pathian nih a kan pek mi ṭhatnak hna kha karhter dingin “Kawh” i “Thlah” mi kan si. Nifatein, “Ra tuah, Bawipa Jesuh”, (Rev 22:20) tiah thlacam buin Bawipa a rat tiang ralṭha tein, i hlau tein le ralring tein um zungzal ding kan si.