MYANMAR AIAWHTU HNA LE POPE

Pope Francis nih Myanmar Remdaihnak hmuhnak caah thla a camnak kong a chim

          Pope Francis nih Myanmar ram daihnak hmuhnak caah thla a camnak kong kha Myanmar ram aiawhtu phu sinah a chim. Vatican khua i atu i tuah liomi tonpumhnak ah tel in a kai liomi Myanmar ram aiawhtu phu le Pope Francis hna cu October (17) ni i an i hmuhton lio ah a chimmi a si.

       Pope Francis nih Myanmar ram a ngainak kong le Myanmar ram cu a lung chungah a um pengnak kong kha Myanmar ram aiawhtu phu sinah thukngai in a chim.

       A ra laimi Zarhpini, Bupi karchonak Zarphini zongah khan Myanmar ram daihnak a hmuhnak caah thlacampiak cio dingin Pope Francis nih a forhfial.

       Tonpumhnak ah Asia Catholic Bishop phu i Chairman le Myanmar ram Catholic Bishop phu i Chairman Cardinal Charles Bo, Kawlram Catholic Bishop phu i awiawhtu Bishop John Saw Johan le Rosalia Daw Chu Chu Tin hna cu Myanmar ram aiawh in an rak kai kho ve.