Mithiang Eusebius
Tuesday, August 02, 2022
Mithiang Eusebius cu Vercelli khua i Bishop pakhat a si. 283 kum Italy ram Sardinia khua ah a chuak. A pa cu Bupi caah a nunnak aa pek hnuah a nu nih Rome khua ah a kalpi. A thuk mi Bible relnak rian (reng) kha a hmuh hnuah Italy chaklei um mi Vercelli khua ah ṭuanvo an pek. Cu khua ah kum 340 ah Bishop an pek. Eusebius cu Siangbawi tampi hna he hmunkhat ah a um ṭi mi pakhatnak Bishop a si.
Anmah hna kha Pathian lei le thawngṭhabia leiah lungdong lo zuamnak tuahter awkah a ṭhabik a thazaang hna kha teimak tein aa pek. Kum 354, Milan khua ah an tuah mi Biaknak lei hruaitu hna i ceihmai ṭinak ah amah cu St. Athanasius kha Arianism (Khrih cu Pathian he aa khat lo, amah cu rakser mi nunnak ngei (saram) pakhat a si i a dang ser mi vialte nakin upatnak a tongmi a si timi cawnpiaknak) ralchanhnak kha ṭihlo tein (ralṭhat ngaiin) a rak kamhpiak.
Cu ruangah Emperon Contantius nih amah kha Palistine le Izypt ram ah ṭhawlnak dan pek. Lamthluan kip ah a thilhmanh humhim tein hrukter lo in an hnukchih i an tuk an velh chih ko nain Catholic zumhnak (biaknak) kha zeitikhmanhah a hlawt lo. Kum 360 ah Constantius a thih hnuah a khua le ram ah kirnak nawl a hmuh ṭhan. A kir pah in lampi ah, St. Eusebius cu fakpiin phungchimnak in lam palh mihna an zumhnak kha a fehter ṭhan hna. Amah cu kum 371 ah daitein a nunnak a liam.