Ahmaannak (Transcent Truth)

‘Ahmaannak’ cungah ser tuah

Pope John Paul II nih “Minung phu thar kha fek seh tiah serṭhan duh ah siseh, buainak phunkip fonh i harnak pek ruangah a rawk a ṭumchuk cangmi vawleicung minung phu kha a tharṭhan dingin serṭhan duh ah siseh, aana hman uknak ruangah tonlio mi buainak phuntling kha lonh duh ah siseh, adik ahmaan i zohchun awktlak a simi zalonnak zulhphung upadi kha zulh duh ah siseh, minung phu kha ‘Ahmaannak’ cungah ser tuah tiah a cawnpiak”.⁴³ 
    A pehrih mi cu; “Vawleicung minung phu cu, ahmaannak cungah hram a bunh i ningcang tein a ser si cun a ṭhancho le a karhcho lawng siloin minung huham zong kha a kilven i a khamhpiak a si” tiah a cawnpiak.⁴⁴
    Tanglo aana hman uknak cu minung nunnak nih a ngeihmi ahmaannak kha duhlo caah uknak chia a chuakmi pakhat a si. Cucaah sawhsawh in banhkhawh lomi ahmaanak (Transcendent Truth) kha a pom khawhlo ahcun minung huham himding le minung nunnak ṭhanchonak caah aamah khannak a umlo.
  “Ahmaannak” sertu le khamhtu a simi Pathian le ser si hnuah khamhnak a hmuṭhan mi, minung hna cu “ahmaannak” ah nifatein an iton. Cubangin a sangbik, a donghnakbik ṭhatnak le nunning ziaza huham hna cu “ahmaannak” ah an iton. Cucaah minung nunnak, vawleicung minung phu cungah “ahmaannak” ti cu “Nunnak thaw” bantukin abiapituk mi a si.

43. Pope John Paul II, Encyclical letter Veritatis Splendor, Vatican Press. 1983 n. 99

^{44. Pope Paul XXII, Encyclical Letter. Pacem in Teris, Vatican Press. n.35}