Unau Chuahkhat
“Kannih cu hmunkhatte ah a umkhat mi minung kan si“
Unau chuahkhat ṭafar lungput cu minung khat le khat lung a rualter i lungkhah lungrualnak a si ter. Minung chunglut innchungkhar ngan hna cu lungrualnak a herh ngaingai. Cucaah minung hna cu aa tluktlak mi thinlung unau chuahkhat lungput he minung khat le khat, ramkhat le khat lungkhah lungrualnak (solidarity) kha kan ser cio awk a si.
Pope Jon Paul II nih “Lungkhah lungrualnak cu minung hna caah daihnak le lungrualnak zulhawk lam a si. Ahohmanh hrial khawh lomi khuaruah tuaktannak i haalnak a si tiah a ra chim. 2
Minung hna cu khat le khat “lungkhah lungrualnak kha ṭuanchuahnak in ṭhatlo chiatnak inn nganpi hna zong kan ṭhial kan lonh khawh lai tiah Pope John Paul II nih a chimpeh. 3
Pope Francis nih unau khuahkhat lungput abiapit zia kha a tanglei bantukin a rak chim.
“Kannih cu hmunkhatte ah a umkhat mi minung kan si bantukin ṭafar thisa khat lungput cu a umlo awk a ṭhalo mi a herhmi konglam pakhat a si. Cubantuk a simi hunthiehnak lungthin cu minung pumpak pakhat cio sinah kanmah chuahpi unau, ṭafa taktak sinak in a zohkhenh piak bantukin, cubantuk a simi lungput kan ngeih khawhlo ahcun ningcangte a si i a fekmi minung phu le a hmun a daimi nunnak kha kan hmukho lailo. Ṭafar thisa khat lungput cu innchungkhar pakhat le chungkhar tel minung pakhat cio sinin cawnlo hmuhkhawh mi a si, tiah kan ti ko lai nain a rak kan cawm i a kan zohkhenhmi nulepa hna lawnglawng in a hram aa thawh kha cinken cio awk a si. Cubantuk ṭafar thisakhat thinlung put cu innchungkhar in aa thawk bantukin a dai a nuammi nunnak lei kalnak zulh awk lam a simi, mah pawngkam he aa pehtlai chung paoh minung pakhat cio sin kha dawtnak pekchanhnak a si”
(Cf. Pope Francis (47) nak vawlei cung Daihnak thawngthanhnak bia, 1 January 2014). Unau chuahkhat thinlung put cu mi vialte caah aa tluktlak mi tinvo kha sullam a fianter. 4
End Notes:
2. Cf. Pope John Paul II, Catholic International, Vol. 6, no 1, January 1992, P 13
3. Cf, Pope John Paul II, Encyclical Letter, Sallicitudo Rei Socialis,, Vatican City, Libraria Editrice, Vaticana, 1987 no. 40
4. Cf. Ignaimuthu, value for life, (Better Books, Bombay 1994 P, 55